ديماشتىڭ تاياۋ بولاشاقتاعى جوسپارى قانداي?
يە, ونىڭ سەبەبٸن قر مەدەنيەت جەنە سپورت ۆيتسە-مينيسترٸ اقتوتى رايىمقۇلوۆا Sputnik اگەنتتٸگٸنە بەرگەن سۇقباتىندا ەگجەي-تەگجەيلٸ ايتىپ بەردٸ
– ديماش قاتىسقان جوبا بويىنشا ونىڭ ٶز موينىنا العان بەلگٸلٸ بٸر مٸندەتتەمەلەرٸ بار.
بايقاۋدىڭ ەربٸر قاتىسۋشىسى كەلٸسٸمشارتقا قول قويعان بولاتىن. مٸنە, وسى كەلٸسٸمشارتتىڭ مەرزٸمٸ ەلٸ اياقتالعان جوق. قازٸر ديماشتىڭ قىتايدا تٷرلٸ شارالارعا قاتىسىپ جٷرگەنٸن كٶرٸپ جٷرسٸزدەر. مۇنىڭ بارلىعى بايقاۋدىڭ ەرەجەسٸنە ساي نەرسەلەر.
كەشە بەيجٸڭنٸڭ ورتالىق كونتسەرت زالدارىنىڭ بٸرٸندە ٶتكەن كونتسەرتكە ايمان مۇساحودجاەۆا, ٶنەر ۋنيۆەرسيتەتٸنٸڭ ۇلتتىق فولكلور انسامبلٸ, كامەرالىق وركەستر قاتىستى. وسى كونتسەرتتە ديماش تا ٶنەر كٶرسەتتٸ. 22-سەۋٸردە ول تاعى بٸر ماڭىزدى شاراعا قاتىسادى, سوسىن بٸر ٷزٸلٸستە ەلگە ورالادى. ونىڭ جەڭٸسٸنە ارناپ ٷلكەن شارا ٶتكٸزەمٸز.
سونداي-اق ۆيتسە-مينيستر ديماشتىڭ ەۆروۆيدەنيە بايقاۋىنا قاتىسا المايتىندىعىن, ونىڭ سەبەبٸ دە قىتايعا بايلانىستى ەكەنٸن ايتتى.
– ديماش قۇدايبەرگەن كانن فەستيۆالٸ اياسىندا قازاقستاننىڭ پاۆيلونىن تانىستىرۋ رەسٸمٸنە قاتىسادى. ونى فرانتسيياعا شاقىردى. سونىمەن بٸرگە, ديماشتى امەريكاعا وقۋعا جٸبەرمەكپٸز. بايقاۋ كەزٸندە ول فرانتسيياعا بارىپ قايتتى. وندا بەلگٸلٸ بٸر سەمكالار ٶتٸپ, كەلٸسسٶزدەر جٷرگٸزٸلدٸ.
جالپى, بٷگٸندە كٶپ جەردەن ۇسىنىس كەلٸپ تٷسٸپ جاتىر ەكەن. ىنتىماقتاستىق تۋرالى, وقۋ, تاعىلىمدامادان ٶتۋ, كونكۋرستارعا, شارالارعا قاتىسۋ بويىنشا ۇسىنىستار بار.
27-ماۋسىمدا استانادا ديماشتىڭ ٷلكەن كونتسەرتٸ ٶتەدٸ. بٷگٸندە بٸرنەشە بەلگٸلٸ شەتەلدٸك ەنشٸ كونتسەرتتە ٶنەر كٶرسەتەتٸنٸن راستادى. قازٸر قىزۋ دايىندىق جٷرٸپ جاتىر. قىتايدان ەنشٸلەر قاتىسادى دەپ كٷتٸپ وتىرمىز. ەزٸرگە, جۋىق اراداعى جوسپار وسىنداي.
بۇدان بٶلەك, “ەۆروۆيدەنيەگە” قاتىستى كٶپ ەڭگٸمە ايتىلىپ جٷر. جالپى, بٸز بۇل بايقاۋعا قاتىسۋ ٷشٸن 3 جىلدان بەرٸ ٶتٸنٸش بەرٸپ كەلەمٸز. ٶكٸنٸشكە قاراي, بۇل بايقاۋعا ەۋروپا ەلٸ رەتٸندە قاتىسا المايمىز. ولار بٸزدٸڭ ٶتٸنٸشتٸ بەلگٸلٸ بٸر قۇقىقتىق شەكتەۋٸ بار قاتىسۋشى رەتٸندە قاراستىرا الادى.
بٸز ديماشتىڭ قوناق رەتٸندە قاتىسۋىن ۇسىندىق. بٸراق ۋاقىت تىعىز بولىپ قالدى, ٶيتكەنٸ “ەۆروۆيدەنيە” مامىر ايىندا ٶتەدٸ. ال ديماشتىڭ ەزٸرگە قىتايلىق ارنانىڭ الدىنداعى مٸندەتتەمەلەرٸ بار.
بيىل بولماسا, كەلەسٸ جىلى بٸزدٸڭ ٶتٸنٸشٸمٸزدٸ قاراستىرادى دەگەن ويدامىز. ولاردىڭ قوناق رەتٸندە بولسا دا ديماشتىڭ قاتىسۋىنا قىزىعۋشىلىعى بار. ٶزدەرٸڭٸز بٸلەسٸزدەر, ەلەۋمەتتٸك جەلٸدە كٶپ جازىلىپ جاتىر. ەگەر لارا فابيان سەكٸلدٸ ەيگٸلٸ ەنشٸ ٶزٸ قۇتتىقتاپ جاتسا, باسقا دا ادامدار ەستٸدٸ دەپ ويلايمىز.
