قازاقتىڭ جاس دارىندى ءانشىسى ديماش قۇدايبەرگەننىڭ فرانسيانىڭ ورتالىق تەلەارناسىندا ءان شىرقاعان ءساتى جاريالاندى.

بۇدان بۇرىن ديماش فرانسيانىڭ "France 2" ورتالىق تەلەارناسىنداعى ەۋروپانىڭ ەڭ تانىمال باعدارلاماسى "Les années bonheur" كابارە شوۋىنىڭ قۇرمەتتى قوناعى بولاتىنىن حابارلاعان ەدى. شوۋدا جاس ءانشى تالعامپاز فرانسۋز جۇرتشىلىعىن اسەم داۋسىمەن ءتانتى ەتتى. فرانسۋزدار ورىندارىنىن تۇرىپ، قول سوعىپ، ديماشقا ەرەكشە قوشەمەت كورسەتتى. قازاق ءانشىسى ديماش قۇدايبەرگەن "Singer-2017" بايقاۋى بارىسىندا قىتايدا اسا تانىمال بولدى. ءۇش ايعا سوزىلعان ءان دوداسىندا ديماش 14 كەزەڭدى ءساتتى باعىندىرىپ، ەكىنشى ورىن الدى. بايقاۋ بارىسىندا ول بىرنەشە ماراپاتقا يە بولدى. "17th Top China Music Awards" شاراسىندا "حالىقارالىق دەڭگەيدەگى تانىمال ءانشى" جۇلدەسىن يەلەندى. سونداي-اق ازياداعى ەڭ بەدەلدى China Top music Awards سىيلىعىنىڭ "ازيانىڭ ەڭ تانىمال ءانشىسى" نوميناسياسىندا جەڭىسكە جەتكەن بولاتىن. ايتا كەتەيىك، ديماش قۇدايبەرگەننىڭ العاشقى شوۋ كونسەرتى 27 ماۋسىم كۇنى ساعات 19.00-دە "استانا-ارەنا" ستاديونىندا وتەدى. وعان لارا فابيان سەكىلدى الەمدىك دەڭگەيدەگى جۇلدىز، سونداي-اق باسقا دا ءبىرقاتار بەلگىلى ءانشىنىڭ قاتىسۋى جوسپارلانىپ وتىر.

قوعامداعى اششى شىندىقتى ايتقانى ءۇشىن ۇنەمى باسى داۋعا قالاتىن رەپەر بۇل جولىعى ءانىن تانىمال تۇلعاعا ارنادى.ونىڭ بار قاتەلىگىن تىزە وتىرىپ، ۇرپاق تاربيەسىنە تيگىزەر كەسىرىن ءسوز قىلعان. «تەمىر قاتىن» تۋىندىسىن ءانشى  قازاقستان شوۋ-بيزنەسىندەگى  ەڭ تانىمال ايەلگە ارناعان.

 

https://www.youtube.com/watch؟v=44jyecSwdlE

 

دەرەككوزى: sputniknews.kz