قىتايدا «Singer 2017» ەن دوداسىندا ٶنەر كٶرسەتٸپ جاتقان قازاقستاندىق ەنشٸ ديماش قۇدايبەرگەن بايقاۋدىڭ جەتٸنشٸ كەزەڭٸندە ٷشٸنشٸ ورىن الدى, دەپ حابارلايدى قازاقپارات.
جوبانىڭ جەتٸنشٸ كەزەڭٸنٸڭ تٷسٸرٸلٸم جۇمىستارى بٷگٸن تاڭعا جاقىن اياقتالىپ, ەنشٸلەر ٶز ٶنەرلەرٸن كٶرسەتكەن. نەتيجەسٸندە, قازاقتىڭ «دايديداۋ» ەنٸمەن كٶرەرمەن جٷرەگٸنەن ورىن العان وتانداسىمىز ٷزدٸك ٷشتٸكتەن كٶرٸندٸ. گونكونگ قالاسىنىڭ تۋماسى Sandy باس جٷلدەنٸ, جوباعا جاڭا قوسىلعان لي تسزيان ەكٸنشٸ ورىندى يەلەندٸ.
ايتا كەتەرلٸگٸ, جوبانىڭ ون كەزەڭنەن تۇراتىن ٸرٸكتەۋ بەسەكەسٸندە العاشقى جەتٸ ەنشٸدەن تەك تٶرتەۋٸ قالدى. ديماش جالپى ەسەپتە ٷشٸنشٸ ورىننان تٷسكەن جوق.
ەسكە سالا كەتەيٸك, «Singer 2017» بايقاۋىنىڭ التىنشى كەزەڭٸ ەفيردەن 25 اقپان كٷنٸ كٶرسەتٸلەتٸن بولادى.
