Qytaıda «Singer 2017» án dodasynda óner kórsetip jatqan qazaqstandyq ánshi Dımash Qudaıbergen baıqaýdyń jetinshi kezeńinde úshinshi oryn aldy, dep habarlaıdy QazAqparat.
Jobanyń jetinshi kezeńiniń túsirilim jumystary búgin tańǵa jaqyn aıaqtalyp, ánshiler óz ónerlerin kórsetken. Nátıjesinde, qazaqtyń «Daıdıdaý» ánimen kórermen júreginen oryn alǵan otandasymyz úzdik úshtikten kórindi. Gonkong qalasynyń týmasy Sandy bas júldeni, jobaǵa jańa qosylǵan Lı Szán ekinshi oryndy ıelendi.
Aıta keterligi, jobanyń on kezeńnen turatyn irikteý básekesinde alǵashqy jeti ánshiden tek tórteýi qaldy. Dımash jalpy esepte úshinshi orynnan túsken joq.
Eske sala keteıik, «Singer 2017» baıqaýynyń altynshy kezeńi efırden 25 aqpan kúni kórsetiletin bolady.
