قىتايداعى «Singer» بايقاۋىندا ەرەكشە ونەرىمەن الەمگە تانىمال بولعان قازاقستاندىق ءانشى ديماش قۇدايبەرگەن گولليۆۋدتىق «Power Rangers» ءفيلمىنىڭ ساۋندترەگىن ورىندادى، دەپ حابارلايدى قازاقپارات.
بۇل تۋرالى قىتايداعى ديستريبيۋتورلىق كومپانيا Weibo الەۋمەتتىك پاراقشاسىندا حابارلاپ، كارتينانىڭ 10 سەكۋندتىق ترەيلەرى مەن فوتو-افيشاسىن جۇكتەدى.

Weibo-داعى اقپاراتتارعا قاراعاندا، ءفيلمدى جارنامالاۋ ماقساتىندا ارنايى تۇسىرىلگەن كليپتە ديماش «Go Go Power Rangers» ءانىن ورىندادى. «Power Rangers» امەريكانىڭ Lions Gate Entertainment جانە قىتايدىڭ TIK Films كومپانيالارى بىرلەسىپ تۇسىرگەن سۋپەرباتىرلار جانرىنداعى كينو.

24 ناۋرىز كۇنى امەريكادا جانە تايۆاندا تانىستىرىلىمى ءوتتى. قىتايدا پروكاتقا ءساۋىر ايىنىڭ باسىندا شىعادى دەپ كۇتىلۋدە.   ەسكە سالا كەتەيىك، قىتايدا ەرەكشە تانىمالدىلىققا قول جەتكىزگەن قازاقستاندىق جاس تالانت ديماش قۇدايبەرگەن كەشە شاڭحاي قالاسىندا وتكەن 24-كەزەكتى «China Top music Awards» شاراسىندا «ازيانىڭ ەڭ تانىمال ءانشىسى» (Best Asia popularsinger) نوميناسياسى بويىنشا ماراپاتتالعان بولاتىن.

 

https://www.youtube.com/watch؟v=JKWU_kGf7KY