سەگىز توپتان تۇراتىن 30 شاقتى مەديسينا مامانى سايرام اۋدانىندا بولىپ، تەگىن مەديسينالىق كومەك كورسەتتى. ەلباسىنىڭ “رۋحاني جاڭعىرۋ" باعدارلاماسىنىڭ اياسىندا جۇزەگە اسىپ جاتقان تاريحي وقيعا وبلىس اكىمى جانسەيىت تۇيمەبايەۆ پەن وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆتىڭ قولداۋىمەن جۇزەگە اسىپ وتىر.
رەسپۋبليكالىق «مير چەرەز دۋحوۆنوست» قوعامدىق بىرلەستىگىنىڭ مۇشەلەرى، الدىمەن، وبلىستىق كلينيكالىق اۋرۋحانادا «حالىقارالىق مەديسينالىق كونفەرەنسيا» وتكىزىپ، جەرگىلىكتى مەديسينا سالاسىنىڭ جەتەكشىلەرى جانە ماماندارىمەن تاجىريبە ءبولىستى.
– ءبىز بۇرىن-سوڭدى بولماعان تاريحي ءساتتىڭ كۋاسى بولىپ وتىرمىز. تۇركىستان وبلىسى اكىمىنىڭ مۇرىندىق بولۋىمەن جۇزەگە اسقان ماڭىزدى شاراعا كەلگەن رەسپۋبليكالىق “مير چەرەز دۋحوۆنوست” قوعامدىق بىرلەستىگىنىڭ دارىگەرلەرى مەن ەرىكتىلەردىڭ يگى ءىسى كوپكە ۇلگى بولارى ءسوزسىز، – دەدى وبلىستىق دەنساۋلىق ساقتاۋ باسقارماسىنىڭ باسشىسى م.ەگىزبايەۆ.
بۇل شاراعا رەسپۋبليكالىق «مير چەرەز دۋحوۆنوست» قوعامدىق بىرلەستىگىنىڭ باس-اياعى 70-كە جۋىق مۇشەسى جۇمىلدىرىلعان. اتاپ ايتساق، 42 مەديسينا مامانىنىڭ 29-ى شەتەلدىك (اقش، انگليا، گەرمانيا جانە مالايزيا)، 9-ى تمد ەلدەرىنىڭ (رەسەي، ءازىربايجان، ۋكراينا، مولدوۆا) جانە 4ء-ۋى قازاقستاندىق دارىگەرلەر. توپپەن بىرگە ەرىكتىلەر مەن اۋدارماشىلار دا كەلگەن.
الىستان ات ارىتىپ كەلگەن دارىگەرلەر 8 توپقا ءبولىنىپ قىزمەت كورسەتىپ جاتىر. اتاپ ايتساق، ماماندار سايرام اۋداندىق اۋرۋحاناسى مەن «قارابۇلاق»، «مانكەنت»، «قاراسۋ»، «قارامۇرت»، قايناربۇلاق» باستاپقى مەديسينالىق-سانيتارلىق كومەك ورتالىعى مەن №12 شىمكەنت قالالىق ەمحاناسىنا بەكىتىلگەن حالىق اراسىندا قابىلداۋ وتكىزىپ جاتىر.
شەتەلدىك مامانداردىڭ سايرام اۋدانىن ارنايى وزدەرى تاڭداۋى بەكەر ەمەس. ويتكەنى، مۇندا حالىق كوپ، تىعىز ورنالاسقان. ونىڭ ۇستىنە، ءبىرقاتار ەلدى مەكەندەر قالادان شالعاي ورنالاسقان.
– سايرام اۋدانىندا كيەلى جەرلەر وتە كوپ. ارامىزداعى ازاماتتاردىڭ كوبى دىنگە بەرىلگەن دەسەم بولادى، باسىم بولىگى – مۇسىلماندار. ەڭبەگىمىزگە اقى سۇرامايمىز. ۇيىمداستىرۋشىلار بارلىق جاعدايىمىزدى جاساپ بەردى. ول ءۇشىن العىسىمىز شەكسىز. ناۋقاستارعا جەرگىلىكتى دارىگەرلەر قويعان دياگنوزدى راستاپ، مۇنداعى مامانداردىڭ ساۋاتى مەن بىلىكتىلىگى جوعارى ەكەنىنە كوز جەتكىزىپ جاتىرمىز. الەمدىك دارەجەدەگى دارىگەرلەر، مەنىڭ پايىمىمشا، ءتۇرلى مەديسينالىق تەحنيكاسىنسىز تۇك ىستەي المايتىنداي، ءبىر سوزبەن ايتقاندا، روبوت-دارىگەر بولىپ بارا جاتىر. ال بۇل جەردىڭ ماماندارى ەشبىر تەحنيكاسىز دا اۋرۋدى ءدوپ باسىپ تابا الاتىنىنا تاڭ قالدىق، – دەيدى اتالعان قوعامدىق بىرلەستىكتىڭ مۇشەسى گالينا كورچاگينا.
مۇحيت اسىپ كەلگەن ونكولوگيا، پەدياتريا، ريەۆماتولوگيا، ستوماتولوگيا، تەراپيا، گينەتيكا جانە گاستروەنتەرولوگيا سالاسىنىڭ ماماندارى شىلدە ايىنىڭ 6-نا دەيىن حالىقتى تەگىن قابىلداۋعا دايىن. بۇگىننىڭ وزىندە جۇمىسشى توپ كۇنىنە 1،5 مىڭعا دەيىن ناۋقاس قابىلداپ، ەم-دومىن جازىپ بەرىپ جاتىر. كەيبىر دارى-دارمەكتەر مەن قاجەتتى كوزىلدىرىكتەردى مامانداردىڭ ءوزى سايرامدىقتارعا تەگىن تاراتىپ بەرمەك.
تۇركىستان وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى
