Segiz toptan turatyn 30 shaqty meditsina mamany Sairam aýdanynda bolyp, tegin meditsinalyq kómek kórsetti. Elbasynyń “Rýhani jańǵyrý" baǵdarlamasynyń aiasynda júzege asyp jatqan tarihi oqiǵa oblys ákimi Janseiit Túimebaev pen oblystyq densaýlyq saqtaý basqarmasynyń basshysy Muqan Egizbaevtyń qoldaýymen júzege asyp otyr.
Respýblikalyq «MIR cherez DÝHOVNOST» qoǵamdyq birlestiginiń músheleri, aldymen, oblystyq klinikalyq aýrýhanada «Halyqaralyq meditsinalyq konferentsiia» ótkizip, jergilikti meditsina salasynyń jetekshileri jáne mamandarymen tájiribe bólisti.
– Biz buryn-sońdy bolmaǵan tarihi sáttiń kýási bolyp otyrmyz. Túrkistan oblysy ákiminiń muryndyq bolýymen júzege asqan mańyzdy sharaǵa kelgen respýblikalyq “MIR cherez DÝHOVNOST” qoǵamdyq birlestiginiń dárigerleri men eriktilerdiń igi isi kópke úlgi bolary sózsiz, – dedi oblystyq densaýlyq saqtaý basqarmasynyń basshysy M.Egizbaev.
Alystan at arytyp kelgen dárigerler 8 topqa bólinip qyzmet kórsetip jatyr. Atap aitsaq, mamandar Sairam aýdandyq aýrýhanasy men «Qarabulaq», «Mankent», «Qarasý», «Qaramurt», Qainarbulaq» bastapqy meditsinalyq-sanitarlyq kómek ortalyǵy men №12 Shymkent qalalyq emhanasyna bekitilgen halyq arasynda qabyldaý ótkizip jatyr.
Sheteldik mamandardyń Sairam aýdanyn arnaiy ózderi tańdaýy beker emes. Óitkeni, munda halyq kóp, tyǵyz ornalasqan. Onyń ústine, birqatar eldi mekender qaladan shalǵai ornalasqan.
– Sairam aýdanynda kieli jerler óte kóp. Aramyzdaǵy azamattardyń kóbi dinge berilgen desem bolady, basym bóligi – musylmandar. Eńbegimizge aqy suramaimyz. Uiymdastyrýshylar barlyq jaǵdaiymyzdy jasap berdi. Ol úshin alǵysymyz sheksiz. Naýqastarǵa jergilikti dárigerler qoiǵan diagnozdy rastap, mundaǵy mamandardyń saýaty men biliktiligi joǵary ekenine kóz jetkizip jatyrmyz. Álemdik dárejedegi dárigerler, meniń paiymymsha, túrli meditsinalyq tehnikasynsyz túk istei almaityndai, bir sózben aitqanda, robot-dáriger bolyp bara jatyr. Al bul jerdiń mamandary eshbir tehnikasyz da aýrýdy dóp basyp taba alatynyna tań qaldyq, – deidi atalǵan qoǵamdyq birlestiktiń múshesi Galina Korchagina.
Muhit asyp kelgen onkologiia, pediatriia, revmatologiia, stomatologiia, terapiia, ginetika jáne gastroenterologiia salasynyń mamandary shilde aiynyń 6-na deiin halyqty tegin qabyldaýǵa daiyn. Búginniń ózinde jumysshy top kúnine 1,5 myńǵa deiin naýqas qabyldap, em-domyn jazyp berip jatyr. Keibir dári-dármekter men qajetti kózildirikterdi mamandardyń ózi sairamdyqtarǵa tegin taratyp bermek.
Túrkistan oblystyq densaýlyq saqtaý basqarmasynyń baspasóz qyzmeti
