زاۋىتبەك قاۋىسبەك ۇلى تۇرىسبەكوۆ 1951 جىلى 15 جەلتوقساندا وڭتۇستىك قازاقستان وبلىسى تۇلكىباس اۋدانىندا دۇنيەگە كەلگەن. قازاق حيميا-تەحنولوگيالىق ينستيتۋتىن جانە الماتى جوعارى پارتيا مەكتەبىن بىتىرگەن.
1973 جىلدان - قازاق حيميا-تەحنولوگيا ينستيتۋتىنىڭ وقىتۋشىسى - كومسومول ۇيىمىنىڭ حاتشىسى. 1977 جىلدان قازاقستان لكجو شىمكەنت وبلىستىق كوميتەتىنىڭ «سپۋتنيك» حالىقارالىق جاستار ءتۋريزمى بيۋروسىنىڭ ءتوراعاسى. 1979 جىلدان قازاقستان لكجو تۇلكىباس اۋداندىق كوميتەتىنىڭ ءبىرىنشى حاتشىسى. 1980 جىلدان - قازاقستان كپ تۇلكىباس اۋداندىق كوميتەتىنىڭ ەكىنشى حاتشىسى، اۋداندىق اتقارۋ كوميتەتىنىڭ ءتوراعاسى، 1990 جىلدان - تۇلكىباس اۋداندىق پارتيا كوميتەتىنىڭ ءبىرىنشى حاتشىسى. 1991 جىلدان - حالىق دەپۋتاتتارى تۇلكىباس اۋداندىق كەڭەسىنىڭ ءتوراعاسى. 1992 جىلدان - تۇلكىباس اۋدانى اكىمشىلىگىنىڭ اكىمى. 1992 جىلعى مامىردان وڭتۇستىك قازاقستان وبلىسى اكىمىنىڭ ورىنباسارى، 1993 جىلعا مامىردان - ءبىرىنشى ورىنباسارى. 1993-1997 جىلدارى وڭتۇستىك قازاقستان وبلىسىنىڭ اكىمى. 1997 جىلعى جەلتوقساننان - ق ر كوشى-قون جانە دەموگرافيا اگەنتتىگىنىڭ ءتوراعاسى. 1999 جىلعى قاڭتاردان - ق ر پرەزيدەنتى اكىمشىلىگى باسشىسىنىڭ ورىنباسارى - ق ر پرەزيدەنتى اكىمشىلىگى ۇيىمداستىرۋ-باقىلاۋ ءبولىمىنىڭ مەڭگەرۋشىسى. 2000 جىلدان - ق ر مەملەكەتتىك قىزمەت ىستەرى اگەنتتىگىنىڭ ءتوراعاسى. 2003 جىلدان - ق ر ىشكى ىستەر ءمينيسترى. 2005 جىلدان ق ر مەملەكەتتىك قىزمەت ىستەرى اگەنتتىگىنىڭ ءتوراعاسى. 2007 جىلدان - قر-نىڭ وزبەكستانداعى توتەنشە جانە وكىلەتتى ەلشىسى. 2009 جىلعى تامىزدان - قر-نىڭ رەسەيدەگى توتەنشە جانە وكىلەتتى ەلشىسى. 2012 جىلعى ساۋىردەن قر-نىڭ ۋكرايناداعى توتەنشە جانە وكىلەتتى ەلشىسى، قر-نىڭ مولدوۆا رەسپبۋليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى.
«قۇرمەت» وردەنىمەن 4 مەدالمەن ماراپاتتالعان.
دەرەككوز: ult.kz
