دەستٷرلٸ ەنشٸ ەركٸن شٷكٸمان Fly Arystan ەۋە كومپانيياسىنىڭ دومبىرا الىپ جٷرۋگە قاتىستى تالاپتارىن سىنعا الدى. ونىڭ ايتۋىنشا, كومپانييا ۇلتتىق اسپاپتى بورتقا كٸرگٸزۋگە رۇقسات بەرگەنٸمەن, جولاۋشىلار ٷشٸن قوسىمشا قولايسىزدىقتار ساقتالىپ وتىر, دەپ حابارلايدى dalanews.kz.
ٶنەر يەسٸ ەلەۋمەتتٸك جەلٸدەگٸ جازباسىندا جۋىردا ۇشاقپەن ساپارلاۋ كەزٸندە جاڭا تالاپتارعا تاپ بولعانىن ايتتى.
«ۇشاقتا دومبىرانى الىپ جٷرۋگە رۇقسات بەردٸ دەپ ەدٸ. سٶيتسەك, Fly Arystan كومپانيياسىنا قوسىمشا بەس مىڭ تەڭگە تٶلەۋٸڭ كەرەك ەكەن. بەس مىڭدى قويشى... ەندٸ بٸر ادامنىڭ ەكٸ قول جٷگٸن الىپ ٶتۋٸنە تىيىم سالىپ تاستاپتى. قولىڭدا دومبىراڭ, شاعىن كوفەردە ساحنالىق كيٸمٸڭ بولادى. ەكەۋٸنٸڭ بٸرەۋٸن باگاجعا تاپسىراسىڭ», – دەپ جازدى ول.
ەنشٸنٸڭ سٶزٸنشە, مۇنداي تالاپتار ەسٸرەسە گاسترولدٸك ساپارمەن جيٸ جٷرەتٸن ٶنەر ادامدارىنا قيىندىق تۋعىزادى. ونىڭ پٸكٸرٸنشە, دومبىرانى بورتقا الىپ كٸرۋگە رۇقسات بەرۋ مەسەلەسٸ تولىق شەشٸلمەگەن.
«بۇلاردىڭ دومبىراعا رۇقسات بەرگەنٸمەن, بەرٸبٸر قورلاۋى قوسا جٷرگەنٸن بٷگٸن بٸلٸپ قايران قالىپ وتىرمىن», – دەدٸ ەركٸن شٷكٸمان.
ٶنەر يەسٸ سونداي-اق Fly Arystan مەن Air Astana ەۋە كومپانييالارىنداعى تالاپتاردىڭ ايىرماشىلىعىنا نازار اۋداردى.
ونىڭ ايتۋىنشا, Air Astana رەيستەرٸندە جولاۋشىلار دومبىرا مەن قول جٷگٸن ەش كەدەرگٸسٸز الىپ ٶتە الادى. وسىعان بايلانىستى ەنشٸ Fly Arystan-نىڭ ۇلتتىق اسپاپقا قاتىستى ۇستانىمىنا تٷسٸنبەي وتىرعانىن جەتكٸزدٸ.
«Fly Arystan Air Astana-نىڭ ٸشٸنەن قۇرىلعان كومپانييا ەكەن. Air Astana ۇشاقتارىنا دومبىراڭىزدى دا, قول جٷگٸڭٸزدٸ دە كەدەرگٸسٸز الىپ ٶتۋگە بولادى دا, Fly Arystan نەگە دومبىراعا دوڭايبات كٶرسەتٸپ كەلەدٸ?» – دەپ جازدى ول.
ايتا كەتەيٸك, سوڭعى جىلدارى قوعامدا دومبىرانى ۇشاق بورتىنا الىپ ٶتۋ مەسەلەسٸ بٸرنەشە رەت كٶتەرٸلٸپ, ۇلتتىق اسپاپقا ەرەكشە جاعداي جاساۋ تۋرالى تالاپتار ايتىلعان بولاتىن.
