پروفي فايت جەكپە-جەگىنەن قازاقستان چەمپيونتى بولىپ ءوتتى. ايتۋلى شاراعا ەلىمىزدىڭ ون وبلىسىنان 150 ەلۋگە جۋىق جاس ورەندەر جينالىپ، مىقتىلاردى انىقتادى.
[caption id="attachment_9506" align="alignright" width="247"]
ەرلان الشىنبايەۆ[/caption]
قازىرگى تاڭدا مۇنداي سپورتتىق شارالاردىڭ كىدىرىسسىز، ۋاقىتىندا ءوتىپ تۇرۋىنا قارجى قولبايلاۋ بولاتىنى جاسىرىن ەمەس. مۇنداي قيىندىقتارعا قاراماستان دجيۋ-دجيتسۋ جەكپە-جەگىمەن اينالىساتىن جاستار اراسىندا قازاقستان چەمپيونتاتىنىڭ ءوتۋى ماڭىزدى وقيعا دەپ ەسەپتەيمىز. سپورتتىق، الەۋمەتتىك ءىس-شارالارعا ۇدايى قولداۋ كورسەتىپ، جاقسى ىستەردىڭ ۇيىتقىسى بولىپ جۇرەتىن ەرلان الشىنبايەۆ بۇل جولى دا دجيۋ-دجيتسۋ جارىسىنىڭ ءوز دەڭگەيىندە وتۋىنە بارىنشا قولداۋ كورسەتتى. تۇرىمىسى تومەن وتباسىلارعا تۇراقتى تۇردە كومەك قولىن سوزىپ كەلە جاتقان ە.الشىنبايەۆ وزگە ايماقتاردان كەلگەن 80 بالانى قاناتىنىڭ استىنا الىپ، ولاردىڭ جارىس اياقتالعانعا دەيىنگى جاتىن ورنى مەن اس-اۋقاتىن كوتەرىپ الدى. جارىستى ۇيىمداستىرۋشىلار بۇل جارىستىڭ وتۋىنە ايرىقشا قولداۋ بولعانىن ايتىپ، العىسىن ءبىلدىردى. ءوز كەزەگىندە اتىمتاي جومارت ەرلان الشانبايەۆ:
– قازاقتىڭ نەبىر تالانتتى جاستارى اۋىلداردا ءجۇر. سوندىقتان بىزدەر جاس جەتكىنشەكتەردىڭ سپورتپەن اينالىسىپ، بوس ۋاقىتتارىن پايدالى ىسكە جۇمساۋىنا جاعداي جاساۋىمىز كەرەك. قازىرگى تاڭدا مەملەكەتتىڭ قولداۋىمەن الىس اۋىلداردا سپورت الاڭدارى مەن ءتۇرلى ۇيىرمەلەر جۇمىس ىستەي باستادى. وسىنداي شاعىن ورتالىقتاردى شىنىعىپ، شىمىر بولعان قازاق بالاسى بولاشاقتا ۇلكەن جارىستاردا ەلىمىزدىڭ نامىسىن قورعاپ، كوك بايراعىمىزدى بيىك جەلبىرەتەتىنە سەنىمدىمىن. الداعى ۋاقتتى بىزدەر قوعام بولىپ وسىنداي بايراقتى باسەكەلەردىڭ وتۋىنە مۇرىندىق بولۋىمىز كەرەك، – دەپ كوكەيگە تۇيگەن ويىن ورتاعا سالدى.
نۇرلان جۇماحان.
