الداعى كٷندەرٸ گەرمانييادا G7 ەلدەرٸنٸڭ كەزەكتٸ ساميتٸ ٶتەدٸ. باسقوسۋدا رەسەيدٸڭ التىنىنا سانكتسييا سالىناتىن بولدى.
وسىلايشا رەسەيدەن تاسىمالداناتىن التىنعا العاش رەت سانكتسييا سالىنباقشى. قازٸرگٸ تاڭدا اقش-تىڭ قارجى مينيسترلٸگٸ جاڭا سانكتسييانى ەزٸرلەۋ ٷستٸندە. ولار رەسەي التىنىن شەكتەۋگە قاتىستى شەكتەۋلەرٸنٸڭ جاي-جاپسارىن الدىمىزداعى بەيسەنبٸ كٷنٸ جارييا ەتەتٸن بولادى.
وسىعان دەيٸن سالىنعان سانكتسييالاردا رەسەي التىنىن باتىس ەلدەرٸنە ەكسپورتتاۋ ٸسٸن قيىنداتقانى بەلگەلٸ. نەتيجەسٸندە لوندون مەن نيۋ-يوركتەگٸ ساۋدا ورىندارىن ورىس التىنىن ساۋدالاۋدان باس تارتقان-دى.
ەندٸ تەك التىنعا ارناپ سانكتسييا سالىناتىن بولسا, رەسەيدٸڭ التىن ٶندٸرۋشٸ كومپانييالارى اۋىر سوققى بولاتىنى انىق.
بٷگٸندە رەسەي دٷنيەجٷزٸندەگٸ التىن ٶندٸرٸسٸنٸڭ 10%-ىن قۇرايتىنىن ەسكەرسەك, بۇل باعىتتا كرەملدٸڭ جاعدايى قيىنداي تٷسەتٸنٸن بايقاۋعا بولادى.
