Aldaǵy kúnderi Germanıada G7 elderiniń kezekti samıti ótedi. Basqosýda Reseıdiń altynyna sanksıa salynatyn boldy.
Osylaısha Reseıden tasymaldanatyn altynǵa alǵash ret sanksıa salynbaqshy. Qazirgi tańda AQSH-tyń Qarjy mınıstrligi jańa sanksıany ázirleý ústinde. Olar Reseı altynyn shekteýge qatysty shekteýleriniń jaı-japsaryn aldymyzdaǵy beısenbi kúni jarıa etetin bolady.
Osyǵan deıin salynǵan sanksıalarda Reseı altynyn Batys elderine eksporttaý isin qıyndatqany belgeli. Nátıjesinde London men Nú-Iorktegi saýda oryndaryn orys altynyn saýdalaýdan bas tartqan-dy.
Endi tek altynǵa arnap sanksıa salynatyn bolsa, Reseıdiń altyn óndirýshi kompanıalary aýyr soqqy bolatyny anyq.
Búginde Reseı dúnıejúzindegi altyn óndirisiniń 10%-yn quraıtynyn eskersek, bul baǵytta Kremldiń jaǵdaıy qıyndaı túsetinin baıqaýǵa bolady.
