وسىلايشا كوممۋنيستەر حالىقتى قاۋٸپتٸ ۆيرۋستان ساقتاپ, ەڭبەك نارىعىنداعى احۋالدى دۇرىستاۋعا بولاتىنىن ايتىپ قالدى.
بٸراق مۇنى ٷكٸمەتتٸڭ قولداي قويۋى ەكٸتالاي. تٸپتٸ تەۋەلسٸز ساراپشىلاردىڭ ٶزٸ كوممۋنيستەردٸڭ باستاماسىن «جاي عانا حالىقتىڭ كٶڭٸلٸن اۋدارۋ» دەپ باعالادى.
COVID-تٸڭ كٶپ جاعدايدا قارييالاردىڭ ٶمٸرٸن جالمايتىنىن زەرتتەۋشٸلەر مەن دەرٸگەرلەر تالاي ايتقان. مەسەلەن, جىل باسىنان بەرٸ 111 مىڭعا جۋىق قازاقستاندىق قاۋٸپتٸ ۆيرۋستان قايتىس بولسا, سونىڭ 71 پايىزى, ياعني 78 مىڭنان استامى 60 جاستان اسقاندار. بۇل دەرەك مەجٸلٸستەگٸ كوممۋنيستەردٸ ايتارلىقتاي الاڭداتىپ وتىر.
– كوممۋنيستٸك حالىق پارتيياسىنىڭ فراكتسيياسى ازاماتتاردىڭ زەينەتكە شىعۋ جاسىن قايتا قاراۋدى ۇسىنادى. ەيەلدەردٸڭ زەينەت جاسىن ۇلعايتۋعا قاتىستى 2013 جىلعى رەفورماعا قارسى بولعانبىز. قازٸر ازاماتتاردىڭ پٸكٸرٸنە سٷيەنە وتىرىپ, ەلٸمٸزدەگٸ ەركەك پەن ەيەلدەردٸڭ 60 جاستان زەينەتكە شىعۋىن قامتاماسىز ەتۋ كەرەك. كوممۋنيستەردٸڭ باستاماسىن بيلٸكتٸڭ قولدامايتىنى بەلگٸلٸ. ٷكٸمەت تٷگٸلٸ, تەۋەلسٸز ساراپشىلاردىڭ ٶزٸ مۇنى «ۇپاي جيناۋ ٷشٸن جاسالعان, – دەدٸ ايقىن قوڭىروۆ.
راسىمەن دە ەلٸمٸزدەگٸ زەينەتكە شىعۋ مەن ٶمٸر سٷرۋدٸڭ ورتاشا جاسى مٷلدەم سەيكەسپەيتٸنٸن ماماندار دا ايتىپ وتىر.
– ٶزگەرٸس بولمايدى. بٸزدە پوپۋليزم دەگەن بار. دەپۋتاتتاردىڭ كٶبٸسٸ وسىعان قۇمار. مەن مۇنى كوممۋنيستەردٸڭ كەزەكتٸ پوپۋليزمٸ دەپ ەسەپتەيمٸن. باسقا ەشتەڭە ەمەس. بۇرىن دۇرىس قابىلدانبادى, ەندٸ جاڭادان بٸر جاڭالىق اشقانداي بولىپ وتىر. ول دۇرىس ەمەس, – دەدٸ ساراپشى يساتاي قامباروۆ.
ەلٸمٸزدەگٸ سوڭعى رەفورماعا سەيكەس, ەيەلدەردٸڭ زەينەتكە شىعۋىن 58 جاستان 63 جاسقا دەيٸن ۇلعايتۋ بەكٸتٸلگەن. ەرلەر دە زەينەت دەمالىسىنا 63-تە شىعادى. ەڭبەك مينيسترلٸگٸ زەينەت جاسى قىسقارمايتىنىن كەسٸپ ايتتى. سوعان قاراعاندا مەجٸلٸس دەپۋتاتىنىڭ قازاقستاندىقتاردى 60 جاستان زەينەتكە شىعارۋ ۇسىنىسى ايتىلعان جەرٸندە قالا بەرەتٸن سىڭايلى.
