سول تۋرالى ايتىپ جاتتى. بۇگىن ەگەمەندە جاريالانعان ماقالاسىندا نازاربايەۆ ۇكىمەتكە قازاق ءالىپبيىنىڭ جاڭا نۇسقاسىن عالىمدار مەن قوعام وكىلدەرىمەن اقىلداسا وتىرىپ جاساۋدى تاپسىرعان-تۇعىن. نازاربايەۆتىڭ تاپسىرماسىنا ساي الداعى جىلدان باستاپ مەكتەپتە لاتىن ءقارپىن ۇيرەتۋ ءۇشىن ماماندار ازىرلەپ، جاڭا وقۋلىقتاردى شىعارا باستاعان ءجون. ماماندار بولسا ءازىر 31 ارىپتەن تۇراتىن لاتىن ءالىپبيىنىڭ نۇسقاسىن جاساپ قويىپتى.
سوعان بايلانىستى تەلەارنا تىلشىلەرى ساراپشىلاردىڭ پىكىرىن سۇراعان ەكەن. سايروۆتى تىڭدادىق.
"لاتىن ءارپىن ەنگىزۋ قازاقتىڭ سوسيۋمىن بىرىكتىرەتىن ۇلكەن قادام. قازاق ءتىلدى ورىس ءتىلدى دەگەن توپتار جويىلادى" دەدى. سولاي-اق بولسىنشى. بولىنگەن ەلدە بەرەكە بولا ما؟
كەزەك دەپۋتات سميرنوۆاعا كەلدى. يرينا سميرنوۆا.
"تاكيم وبرازوم كازاحستان دالشە ۋحوديت وت رۋسسكوگو ميرا. پوتومۋ چتو كيريلليسا ۋحوديت ي ەتوت الفاۆيت بۋدەت پوتەريان دليا سلەدۋيۋششەە پوكولەنيە. منە ەتو پەچالنو"
دەدى ول.
بۇل نە سوندا؟ تۇسىنبەدىك. ايتىپ وتىرعان "ورىس الەمى" نەسى؟ پۋتين بيلىككە كەلگەلى ەرەكشە كۇشەيگەن بۇل كونسەپسيانىڭ تۇپكى ءمانى نەدە ەكەنىن الگى سميرنوۆا بىلمەي مە؟ بىلەدى...
2006 جىلى پۋتين بىلاي دەگەن:
"رۋسسكيي مير موجەت ي دولجەن وبەدينيت ۆسەح، كومۋ دوروگو رۋسسكوە سلوۆو ي رۋسسكايا كۋلتۋرا، گدە بى وني ني جيلي، ۆ روسسيي يلي زا ەو پرەدەلامي. پوچاششە ۋپوترەبليايتە ەتو سلوۆوسوچەتانيە — «رۋسسكيي مير».
ادەيى اۋدارماي بەردىك. ءپۋتيننىڭ تۇپكى ويى مەن تۇپكى ماقساتىن ءتۇسىنۋ ءۇشىن ءتۇپنۇسقاسىنان وقىعان دۇرىس. دەپۋتات سميرنوۆا كىمنىڭ ءسوزىن سويلەپ وتىر سوندا؟
بۇل ءوز الدىنا. دەپۋتات پىكىرىنىڭ استارىندا قىر كورسەتۋ جاتقان جوق پا؟ سميرنوۆا وسى ارقىلى كۇللى ءورىستىلدى سەگمەنتتىڭ پىكىرىن بىلدىرگەن شىعار، كىم بىلگەن...
دۋمان بىقاي
