دەپۋتات نارتاي ارالبايۇلى بٸر سالاداعى مامانداردىڭ جالاقىسىن كٶتەرۋدٸ ۇسىندى, دەپ حابارلايدى Dalanews.kz.
دەپۋتاتتىڭ ايتۋىنشا, ەرەكشە بالالارمەن جۇمىس ٸستەيتٸن, ولاردى ەمدەيتٸن, جاتتىقتىراتىن, كٷن سايىن جٷزدەگەن بالانى ارنايى مەكەمەدە, كەيبٸرٸن ٷيٸنە بارىپ وقىتاتىن مىڭداعان مامان بار.
"ولار ەلەۋمەتتٸك قىزمەت كٶرسەتۋ ورتالىقتارىندا جۇمىس ٸستەيدٸ. بٸراق ەرەكشە بالانى قاتارعا قوسۋ ٷشٸن جانىن سالاتىن قىزمەتكەرلەرگە ەرەكشە جاعداي جاساپ, جۇمىسكەرلەردٸ جوعارى جالاقى الاتىنداردىڭ قاتارىنا قوسۋ قييامەت-قايىم قازٸر. ٶزٸم اياقتاي بارعان استانا قالاسىنداعى ەلەۋمەتتٸك قىزمەت كٶرسەتۋ ورتالىعىندا 640 بالا ەم الادى, ونىڭ 63-ٸ - كەمەلەت جاسىنا جەتكەندەر. ەرەكشە بالالارعا ەرەكشە جاعداي جاساۋعا تيٸس ورتالىقتاعى 160 قىزمەتكەردٸڭ ورتاشا جالاقىسى - 180 مىڭ تەڭگە. جۇمىس كٶبٸنە جوعارى ەموتسيونالدى جەنە فيزيكالىق كٷش-جٸگەردٸ قاجەت ەتەتٸنٸن ەسكەرسەك, بۇل - ٶتە از اقشا", - دەيدٸ ول.
نارتاي ارالبايۇلى وسىنىڭ سالدارىنان ەشكٸم مۇنداي ورتالىققا قىزمەتكە كەلگٸسٸ كەلمەيتٸنٸن, كادر تاپشى ەكەنٸن ايتتى.
"2024 جىلى 53 قىزمەتكەر جۇمىستان كەتسە, 2025 جىلى جارتىجىلدىقتا 28 قىزمەتكەر قىزمەتتەن كەتكەن. جالاقى كٶتەرٸلمەسە جاعداي وڭالمايدى. بۇل بٸر عانا مىسال, ەلٸمٸزدەگٸ بارلىق ەلەۋمەتتٸك قىزمەت كٶرسەتۋ ورتالىعىنداعى جاعداي دەل وسىنداي", - دەدٸ دەپۋتات.
دەپۋتات استاناداعى تاعى بٸر ەلەۋمەتتٸك قىزمەت كٶرسەتۋ ورتالىعىنا بارعانىن, جۇمىسكەرلەردٸڭ جاعدايى ادام ايارلىقتاي ەكەنٸن جەتكٸزدٸ.
"بٸر ورتالىققا 900 اتا-ەجە قارالادى. ...قام كٶڭٸل قارييالاردىڭ جاعدايىن جاسايتىن ەلەۋمەتتٸك قىزمەتكەرلەردٸڭ جالاقىسى - 110 مىڭ تەڭگە. سالدارىنان ول جاققا ەشكٸم جۇمىسقا بارمايدى", - دەدٸ ول.
ول مىناداي ۇسىنىس جاسادى:
- ورتا مەديتسينا قىزمەتكەرلەرٸنٸڭ (ەدش نۇسقاۋشىسى, ماسساجيست - جالپى ەلەۋمەتتٸك قورعاۋ جٷيەسٸ قىزمەتكەرلەرٸنٸڭ) جالاقىسىن كٶتەرۋ;
- ەلەۋمەتتٸك سالاداعى ماماندارعا 18 كٷنگە دەيٸن (بارلىعى 48 كٷن) قوسىمشا دەمالىس ەنگٸزۋ;
- ەلەۋمەتتٸك قىزمەتكەرلەر ٷشٸن تٶمەن مٶلشەرلەمەمەن, باستاپقى جارناسى تٶمەن جەڭٸلدەتٸلگەن يپوتەكالىق باعدارلامالاردى ەنگٸزۋ; ت.س.س.
