Depýtat Nartai Aralbaiuly bir saladaǵy mamandardyń jalaqysyn kóterýdi usyndy, dep habarlaidy Dalanews.kz.
Depýtattyń aitýynsha, erekshe balalarmen jumys isteitin, olardy emdeitin, jattyqtyratyn, kún saiyn júzdegen balany arnaiy mekemede, keibirin úiine baryp oqytatyn myńdaǵan maman bar.
"Olar áleýmettik qyzmet kórsetý ortalyqtarynda jumys isteidi. Biraq erekshe balany qatarǵa qosý úshin janyn salatyn qyzmetkerlerge erekshe jaǵdai jasap, jumyskerlerdi joǵary jalaqy alatyndardyń qataryna qosý qiiamet-qaiym qazir. Ózim aiaqtai barǵan Astana qalasyndaǵy áleýmettik qyzmet kórsetý ortalyǵynda 640 bala em alady, onyń 63-i - kámelet jasyna jetkender. Erekshe balalarǵa erekshe jaǵdai jasaýǵa tiis ortalyqtaǵy 160 qyzmetkerdiń ortasha jalaqysy - 180 myń teńge. Jumys kóbine joǵary emotsionaldy jáne fizikalyq kúsh-jigerdi qajet etetinin eskersek, bul - óte az aqsha", - deidi ol.
Nartai Aralbaiuly osynyń saldarynan eshkim mundai ortalyqqa qyzmetke kelgisi kelmeitinin, kadr tapshy ekenin aitty.
"2024 jyly 53 qyzmetker jumystan ketse, 2025 jyly jartyjyldyqta 28 qyzmetker qyzmetten ketken. Jalaqy kóterilmese jaǵdai ońalmaidy. Bul bir ǵana mysal, elimizdegi barlyq áleýmettik qyzmet kórsetý ortalyǵyndaǵy jaǵdai dál osyndai", - dedi depýtat.
Depýtat Astanadaǵy taǵy bir áleýmettik qyzmet kórsetý ortalyǵyna barǵanyn, jumyskerlerdiń jaǵdaiy adam aiarlyqtai ekenin jetkizdi.
"Bir ortalyqqa 900 ata-áje qaralady. ...Qam kóńil qariialardyń jaǵdaiyn jasaityn áleýmettik qyzmetkerlerdiń jalaqysy - 110 myń teńge. Saldarynan ol jaqqa eshkim jumysqa barmaidy", - dedi ol.
Ol mynadai usynys jasady:
- Orta meditsina qyzmetkerleriniń (EDSh nusqaýshysy, massajist - jalpy áleýmettik qorǵaý júiesi qyzmetkerleriniń) jalaqysyn kóterý;
- Áleýmettik saladaǵy mamandarǵa 18 kúnge deiin (barlyǵy 48 kún) qosymsha demalys engizý;
- Áleýmettik qyzmetkerler úshin tómen mólsherlememen, bastapqy jarnasy tómen jeńildetilgen ipotekalyq baǵdarlamalardy engizý; t.s.s.
