ءماجىلىس دەپۋتاتى داۋلەت تۇرلىحانوۆتىڭ ۇلىنا قاتىستى ءىس بويىنشا ۇكىم وزگەردى، - دەپ حابارلايدى Dalanews.kz.
نۇراسىل بولاتقا قاتىستى قىلمىستىق ءىس جوعارعى سوتتا قارالدى. 2023 جىلدىڭ قازان ايىندا الماتى گارنيزونى اسكەري سوتىنىڭ ۇكىمىمەن نۇراسىل بولات ەرلى-زايىپتى و.چەرنوۆ پەن ا.چەرنوۆانىڭ دەنساۋلىعىنا قاساقانا اۋىرلىعى ورتاشا زيان كەلتىرگەنى ءۇشىن قىلمىستىق كودەكستىڭ 107-بابى 2-بولىگى 1)، 5) تارماقتارى بويىنشا سوتتالعان بولاتىن.
سوت ۇكىمىمەن 500 اەك (1 725 000 تەڭگە) كولەمىندە ايىپپۇل تۇرىندە جازا تاعايىندالدى. سونداي-اق، جابىرلەنۋشىلەردىڭ پايداسىنا 500 مىڭ تەڭگە مورالدىق شىعىن جانە وكىلدىڭ قىزمەتىنە وتەماقى تولەۋگە كەتكەن 1 600 000 تەڭگە ءوندىرىلدى.
اپەللياسيالىق ساتى سوت ۇكىمىن وزگەرتىپ، نۇراسىن بولاتتان جابىرلەنۋشىلەردىڭ پايداسىنا اپەللياسيالىق ساتىداعى سوتقا قاتىسۋ ءۇشىن وكىلدىڭ قىزمەتىنە 400 000 تەڭگە كولەمىندە شىعىن ءوندىرىلدى.
كاسساسيالىق سوت وتىرىسى جابىرلەنۋشىلەردىڭ ءوتىنىشحاتى بويىنشا ءوتتى، ولار سوت اكتىلەرىن وزگەرتىپ، وعان باس بوستاندىعىنان ايىرۋ جازاسىن تاعايىنداۋدى سۇرادى.
"قىلمىستىق ءىستى قاراۋ ناتيجەلەرى بويىنشا جوعارعى سوتتىڭ قىلمىستىق ىستەر جونىندەگى سوت القاسى سوت اكتىلەرىن وزگەرتىپ، ن.بولاتقا 2 جىلعا باس بوستاندىعىن شەكتەۋ جازاسى تاعايىندالدى، سونداي-اق، ءارقايسىسىنا 1 ميلليون تەڭگەگە دەيىن مورالدىق زالالدىڭ وتەماقى مولشەرى ءوستى"، - دەپ جازىلعان مالىمەتتە.
بۇعان دەيىن زاڭگەر اننا چەرنوۆا الەۋمەتتىك جەلىدە دەپۋتات داۋلەت تۇرلىحانوۆتىڭ ۇلىنا قاتىستى ۇكىم قايتا قارالاتىنىن مالىمدەدى. ول ءماجىلىس دەپۋتاتى ءارى تانىمال قازاق بالۋانى داۋلەت تۇرلىحانوۆتىڭ ۇلىنان سوققى جەگەن بولاتىن.
"جوعارعى سوتتا ءماجىلىس دەپۋتاتى داۋلەت تۇرلىحانوۆتىڭ ۇلىنا قاتىستى ءبىزدىڭ ءىس بويىنشا اسكەري سوت ۇكىمى قايتا قارالادى. اسكەري سوتتىڭ ۇكىمىمەن ول بۇزاقىلىق نيەتپەن ەكى ادامنىڭ دەنساۋلىعىنا قاساقانا ورتاشا زيان كەلتىرگەنى ءۇشىن 107-باپتىڭ 2-بولىگى 1)،5) تارماعى بويىنشا 500 اەك كولەمىندە جازا الدى. ۇكىم وتە جەڭىل تۇردە تاعايىندالدى. اسكەري ءبولىمدى تاستاپ كەتكەنى، بەرىلگەن انتتى بۇزعانى، قىلمىس جاسالعان ساتتە ىشىمدىككە ماس بولعانى ءۇشىن قايتالاپ جازالاۋ تۇرىندەگى جازانى اۋىرلاتاتىن ءمان-جايلار ەسەپكە الىنباعان.
...ءبىزدىڭ وقيعامىزدا ادىلدىك ورنايتىنىنا ۇمىتتەنەمىن! ءبارى الەۋمەتتىك جاعدايى مەن مارتەبەسىنە قاراماستان زاڭ مەن سوت الدىندا تەڭ!" - دەدى ول.
ايتا كەتەيىك، الماتىدا اسكەري قىزمەتكەر بەلگىلى ادۆوكاتتى سوققىعا جىققان بولاتىن. بۇل وقيعا بىلتىر 11 اقپانعا قاراعان ءتۇنى الماتىنىڭ ساۋدا ورتالىقتارىنىڭ ءبىرىنىڭ ماڭىنداعى پاركينگتە بولدى. ءىس حالىق تاراپىنان قوعامدىق داۋ تۋدىردى. بۇل وقيعا تۋرالى ادۆوكات ولەگ چەرنوۆتىڭ ايەلى اننا ديميترييەۆيچ Facebook پاراقشاسىندا جازدى.
الماتى پوليسيا دەپارتامەنتى سول كەزدە بۇل دەرەك ق ر قىلمىستىق كودەكسىنىڭ 293-بابى "بۇزاقىلىق" بويىنشا سوتالدى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.
ال كەيىن ادۆوكاتتى سوققىعا جىققان اسكەري قىزمەتكەر گرەك-ريم كۇرەسىنەن قازاقستاندىق جانە بۇرىنعى كەڭەس وداعىنىڭ پالۋانى داۋلەت تۇرلىحانوۆتىڭ ۇلى بولىپ شىقتى. بۇل اقپاراتتى دەپۋتات تۇرلىحانوۆتىڭ ءوزى راستاعان بولاتىن. ول ۇلىنا قاتىستى داۋعا كوزقاراسىن ءبىلدىرىپ، كەشىرىم سۇرادى.
