قما شىعىس قازاقستان وبلىسى بويىنشا دەپارتامەنتى "QazConstructions" ج ش س باسشىلىعىنا قاتىستى شىعىس قازاقستان جانە اباي وبلىستارىنىڭ 7 اۋدانىندا 11 الەۋمەتتىك نىساننىڭ قۇرىلىسىنا بولىنگەن بيۋدجەت قاراجاتىن جىمقىرۋ دەرەگى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر، دەپ حابارلايدى Dalanews.kz.
كۇدىكتىلەردىڭ قاتارىندا "QazConstructions" ءجشس-نىڭ بۇرىنعى ديرەكتورىنىڭ ورىنباسارى، كۇرشىم اۋدانى ءماسليحاتىنىڭ دەپۋتاتى بار.
"بۇل جوبالار حالىقتىڭ ءومىر ءسۇرۋ ساپاسىن ارتتىرىپ، ازاماتتاردىڭ بوس ۋاقىتىن ءتيىمدى وتكىزۋىنە جاعداي جاساۋعا باعىتتالعان بولاتىن. الايدا قىلمىستىق ارەكەتتەر سالدارىنان ءتورت دەنە شىنىقتىرۋ-ساۋىقتىرۋ كەشەنى مەن 20 مىڭنان اسا ادام تۇراتىن جەتى اۋىلدى سۋمەن قامتاماسىز ەتۋگە ارنالعان سۋ قۇبىرى جەلىلەرى پايدالانۋعا بەرىلمەگەن. جىمقىرىلعان قارجىنىڭ جالپى كولەمى 2 ملرد تەڭگەدەن اسادى. ولار بايلانىسى بار كومپانيالار ارقىلى قولما-قول اقشاعا اينالدىرىلعان"، - دەپ جازىلعان حابارلامادا.
قما مالىمەتىنشە، قىلمىستىق جولمەن الىنعان تابىسقا استاناداعى قىمبات ساناتتاعى تۇرعىن ءۇي كەشەندەرىنەن پاتەرلەر، "Lamborghini Urus"، "Cadillac Escalade"، "Mercedes" اۆتوكولىكتەرى مەن اسىل تۇقىمدى جىلقىلار ساتىپ الىنعان. بۇل مۇلىككە سوت سانكسياسىمەن تىيىم سالىندى.
"ەكى كۇدىكتىگە قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى قولدانىلدى. تەرگەۋ جالعاسىپ جاتىر"، - دەپ جازىلعان حابارلامادا.
