QMA Shyǵys Qazaqstan oblysy boiynsha departamenti "QazConstructions" JShS basshylyǵyna qatysty Shyǵys Qazaqstan jáne Abai oblystarynyń 7 aýdanynda 11 áleýmettik nysannyń qurylysyna bólingen biýdjet qarajatyn jymqyrý deregi boiynsha sotqa deiingi tergep-tekserý júrgizip jatyr, dep habarlaidy Dalanews.kz.
Kúdiktilerdiń qatarynda "QazConstructions" JShS-niń burynǵy direktorynyń orynbasary, Kúrshim aýdany máslihatynyń depýtaty bar.
"Bul jobalar halyqtyń ómir súrý sapasyn arttyryp, azamattardyń bos ýaqytyn tiimdi ótkizýine jaǵdai jasaýǵa baǵyttalǵan bolatyn. Alaida qylmystyq áreketter saldarynan tórt dene shynyqtyrý-saýyqtyrý kesheni men 20 myńnan asa adam turatyn jeti aýyldy sýmen qamtamasyz etýge arnalǵan sý qubyry jelileri paidalanýǵa berilmegen. Jymqyrylǵan qarjynyń jalpy kólemi 2 mlrd teńgeden asady. Olar bailanysy bar kompaniialar arqyly qolma-qol aqshaǵa ainaldyrylǵan", - dep jazylǵan habarlamada.
QMA málimetinshe, qylmystyq jolmen alynǵan tabysqa Astanadaǵy qymbat sanattaǵy turǵyn úi keshenderinen páterler, "Lamborghini Urus", "Cadillac Escalade", "Mercedes" avtokólikteri men asyl tuqymdy jylqylar satyp alynǵan. Bul múlikke sot sanktsiiasymen tyiym salyndy.
"Eki kúdiktige qatysty eki ai merzimge qamaýǵa alý túrindegi bultartpaý sharasy qoldanyldy. Tergeý jalǵasyp jatyr", - dep jazylǵan habarlamada.
