دەپۋتات رۋسلان بەردەنوۆ جاڭا قىزمەتكە تاعايىندالدى، دەپ حابارلايدى Dalanews.kz. 

ەندى دەپۋتات شىمكەنت قالاسى اكىمىنىڭ ورىنباسارى قىزمەتىن اتقارادى. بۇل تۋرالى تەلەگرام ارنالار حابارلاي باستادى. 

رۋسلان بەردەنوۆ شىمكەنت قالاسىنىڭ تۋماسى. 

قازاق، اعىلشىن، ورىس، تۇرىك، ازەربايجان تىلدەرىندە ەركىن سويلەيدى.

ءبىلىمى جوعارى، 2006 جىلى مەنەدجمەنت ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن. 2009 جىلى كيمەپ ۋنيۆەرسيتەتىن ىسكەرلىك باسقارۋ ماگيسترى (MBA) دارەجەسىمەن ءبىتىردى.

ەڭبەك جولىن 2005 جىلى "الماتى قۇس" ااق ("سەيمار" توبى) كومپانياسىنىڭ بولشەك ساۋدا ديرەكتورى قىزمەتىنەن باستادى.

2007 جىلعى اقپان-2010 جىلعى شىلدە-Procter & Gamble كومپانياسىنىڭ باس لوگيستيكالىق ۇيلەستىرۋشىسى.

2010 جىلعى شىلدە-2012 جىلعى قاراشا – "Eastcomtrans" ج ش س جىلجىمالى قۇرامدى جالداۋ ءبولىمىنىڭ باستىعى.

2012 جىلعى قاراشا-2018 جىلعى مامىر – "اق نيەت" ج ش س باس ديرەكتورى.

2018 جىلعى قاراشا-2019 جىلعى ءساۋىر – "اق نيەت" ج ش س بايقاۋ كەڭەسىنىڭ مۇشەسى.

2019 جىلعى ءساۋىر-2023 جىلعى ناۋرىز-Aq niet Group بايقاۋ كەڭەسى ءتوراعاسىنىڭ ورىنباسارى.

2023 جىلعى 29 ناۋرىزدان باستاپ – "Respublica" پارتياسىنىڭ پارتيالىق ءتىزىمى بويىنشا VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، قارجى جانە بيۋدجەت كوميتەتىنىڭ مۇشەسى. 2023 جىلعى ناۋرىزدان باستاپ VIII سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى "Respublica" پارتياسىنىڭ پارتيالىق ءتىزىمى بويىنشا سايلاندى.