دەپۋتاتتىڭ ايتۋىنشا قاراعاندى شاحتاسىندا قازاق تاپقانداردىڭ سانى 40 ادامعا جەتۋٸ مٷمكٸن.
"ٶكٸنشكە قاراي, كەزٸندە نۇرسۇلتان نازارباەۆتىڭ تٸكەلەي نۇسقاۋىمەن ميتتالدىڭ جەكە مەنشٸگٸنە بەرٸلگەن "ارسەلورميتتال تەميرتاۋ" (امت) كومپانيياسىنا قاراستى كوستەنكو شاحتاسىندا بولعان اپاتتان 200-دەن استام كەنشٸ جەر استىندا قالدى دەگەن حابار كەلدٸ.
وقيعا باسىندا قۇتقارۋ وپەراتسيياسىمەن اينالىسىپ جٷرگەن جٸگٸتتەردٸڭ حابارىنا قاراعاندا, ٶرتتٸڭ ارعى جاعىندا, تەرەڭ زابويدا قالعان 30-عا جۋىق ادامدى قۇتقارۋ مٷمكٸندٸگٸ ازايعان سيياقتى... قازٸردٸڭ ٶزٸندە قازا تارقاندار سانى 11 ادامعا جەتتٸ (قازا بولعانداردىڭ سانى 16-عا جەتتٸ,رەد).
قازاقستان مەتاللۋرگيياسىنىڭ فلاگمانى اتالعان "قارمەتكومبيناتتى" ميتتالدىڭ مەنشٸگٸنەن كەرٸ قايتارىپ الۋ مەسەلەسٸ وسىدان بٸرەر اي بۇرىن - كەزەكتٸ ادامدار ٶلٸمٸنە ەكەلگەن اپاتتان كەيٸن قوزعالعان ەدٸ. مٸنە, قازاقستان رەسپۋبليكاسى پارلامەنتٸنٸڭ مەجٸلٸسٸندە بٸراز دەپۋتات كٶتەرگەن وسى تالاپقا ٷكٸمەت اتٷستٸ قاراپ, "امت"-نى كٸمگە بەرەمٸز دەپ, ىرعالىپ-جىرعالىپ جٷرگەندە كەزەكتٸ اپات بولدى!", دەدٸ باپي.
دەپۋتات ٷندٸ وليگارحىنان كومپانييانى قايتارىپ الۋدى تالاپ ەتٸپ وتىر.
"ەليحان سمايىلوۆ مىرزا, تەحنيكا قاۋٸپسٸزدٸگٸن قاپەرسٸز قالدىرىپ, قاراعاندى كەنشٸلەرٸنٸڭ باۋداي قىرىلۋىنا جول بەرگەن, جەكە ەسەبٸنە تٷسەر ميللياردتار قۋىپ كەتكەن ميتتالدان "كارمەتتٸ" قايتارىپ الۋعا نە كەدەرگٸ?
سٸز ەلٸ كٷنگە دەيٸن "ەسكٸ قازاقستان" جاققا ەلەڭدەۋدٸ قويىپ, قازاقستان حالقىنا قاراي قاشان باس بۇراسىز?
"امانات" پارتيياسىنىڭ پارلامەنتتەگٸ فراكتسيياسى (ەلنۇر بەيسەنباەۆ مىرزا), سايلاۋدا جەڭٸپ شىققان پارتييا رەتٸندە 8-شٸ شاقىرىلىمنىڭ العاشقى سەسسيياسىندا "اماناتتىقتار" ۇسىنعان پرەمەر-مينيستردەن "كارمەتتٸڭ" مەنشٸك يەسٸن جەدەل ٶزگەرتۋ پروتسەسسٸن باستاۋدى تالاپ ەتۋدٸ سۇرايمىن", - دەدٸ مەجٸلٸسمەن.
ايتا كەتەلٸك, قاراعاندىداعى شاحتادا قازا تاپقاندار سانى 16 ادامعا جەتتٸ. تٶمەندە 31 كەنشٸ بار.
تٶتەنشە جاعداي بٷگٸن تٷندە بولدى. اپات كەزٸندە شاحتادا 252 ادام بولعان, 205 كەنشٸ جەر بەتٸنە شىعارىلعان.
كومپانييانىڭ ايتۋىنشا, لاۆادا گاز مەتان جارىلىسى بولدى دەگەن بولجام بار. قازٸرگٸ تاڭدا وقيعا ورنىندا جەدەل شتاب قۇرىلدى, ونىڭ قۇرامىنا جاۋاپتى تۇلعالار مەن كەنشٸلەر كٸردٸ. قايتىس بولعاندار مەن زارداپ شەككەندەردٸڭ تۋىستارىنا كٶمەك كٶرسەتۋ ٷشٸن وقيعا ورنىندا 40 قۇتقارۋشى, 10 تەحنيكا جەنە ٷش پسيحولوگ جۇمىس ٸستەۋدە.
ايتا كەتەيٸك, «قازاقستان» كەنٸشٸندە («ارسەلورميتتال تەمٸرتاۋ» كومپانيياسىنا تيەسٸلٸ) جاقىندا بولعان قايعىلى وقيعادان بەرٸ نەبەرٸ 2 اي ٶتتٸ. جاقىندا «قازاقستان» كەنٸشٸندەگٸ ٶرتتەن كەيٸنگٸ كەنشٸلەردٸڭ قازاسىنا باسشىلىقتىڭ 100% كٸنەلٸ ەكەنٸ بەلگٸلٸ بولدى.
ٷكٸمەتكە «ارسەلورميتتال تەمٸرتاۋ» كومپانيياسىمەن ينۆەستيتسييالىق ىنتىماقتاستىقتى توقتاتۋ تاپسىرىلدى.
