Depýtattyń aitýynsha Qaraǵandy shahtasynda qazaq tapqandardyń sany 40 adamǵa jetýi múmkin.
"Ókinshke qarai, kezinde Nursultan Nazarbaevtyń tikelei nusqaýymen Mittaldyń jeke menshigine berilgen "ArselorMittal Temirtaý" (AMT) kompaniiasyna qarasty Kostenko shahtasynda bolǵan apattan 200-den astam kenshi jer astynda qaldy degen habar keldi.
Oqiǵa basynda qutqarý operatsiiasymen ainalysyp júrgen jigitterdiń habaryna qaraǵanda, órttiń arǵy jaǵynda, tereń zaboida qalǵan 30-ǵa jýyq adamdy qutqarý múmkindigi azaiǵan siiaqty... Qazirdiń ózinde qaza tarqandar sany 11 adamǵa jetti (qaza bolǵandardyń sany 16-ǵa jetti,red).
Qazaqstan metallýrgiiasynyń flagmany atalǵan "Qarmetkombinatty" Mittaldyń menshiginen keri qaitaryp alý máselesi osydan birer ai buryn - kezekti adamdar ólimine ákelgen apattan keiin qozǵalǵan edi. Mine, Qazaqstan Respýblikasy Parlamentiniń Májilisinde biraz depýtat kótergen osy talapqa Úkimet atústi qarap, "AMT"-ny kimge beremiz dep, yrǵalyp-jyrǵalyp júrgende kezekti apat boldy!", dedi Bapi.
Depýtat úndi oligarhynan kompaniiany qaitaryp alýdy talap etip otyr.
"Álihan Smaiylov myrza, tehnika qaýipsizdigin qapersiz qaldyryp, Qaraǵandy kenshileriniń baýdai qyrylýyna jol bergen, jeke esebine túser milliardtar qýyp ketken Mittaldan "Karmetti" qaitaryp alýǵa ne kedergi?
Siz áli kúnge deiin "eski Qazaqstan" jaqqa eleńdeýdi qoiyp, Qazaqstan halqyna qarai qashan bas burasyz?
"Amanat" partiiasynyń Parlamenttegi fraktsiiasy (Elnur Beisenbaev myrza), sailaýda jeńip shyqqan partiia retinde 8-shi shaqyrylymnyń alǵashqy sessiiasynda "amanattyqtar" usynǵan premer-ministrden "Karmettiń" menshik iesin jedel ózgertý protsessin bastaýdy talap etýdi suraimyn", - dedi Májilismen.
Aita ketelik, Qaraǵandydaǵy shahtada qaza tapqandar sany 16 adamǵa jetti. Tómende 31 kenshi bar.
Tótenshe jaǵdai búgin túnde boldy. Apat kezinde shahtada 252 adam bolǵan, 205 kenshi jer betine shyǵarylǵan.
Kompaniianyń aitýynsha, lavada gaz metan jarylysy boldy degen boljam bar. Qazirgi tańda oqiǵa ornynda jedel shtab quryldy, onyń quramyna jaýapty tulǵalar men kenshiler kirdi. Qaitys bolǵandar men zardap shekkenderdiń týystaryna kómek kórsetý úshin oqiǵa ornynda 40 qutqarýshy, 10 tehnika jáne úsh psiholog jumys isteýde.
Aita keteiik, «Qazaqstan» kenishinde («ArselorMittal Temirtaý» kompaniiasyna tiesili) jaqynda bolǵan qaiǵyly oqiǵadan beri nebári 2 ai ótti. Jaqynda «Qazaqstan» kenishindegi órtten keiingi kenshilerdiń qazasyna basshylyqtyń 100% kináli ekeni belgili boldy.
Úkimetke «ArselorMittal Temirtaý» kompaniiasymen investitsiialyq yntymaqtastyqty toqtatý tapsyryldy.
