قازگيدرومەت الداعى كۇندەرگە ارنالعان اۋا رايى بولجامىن جاريالادى، دەپ حابارلايدى Dalanews.kz.
الداعى كۇندەرى ەلىمىزدىڭ كوپتەگەن وڭىرىندە جاۋىن-شاشىنسىز، جىلى اۋا رايى ساقتالادى. مۇنداي اۋا رايى سولتۇستىك-باتىس انتيسيكلونعا بايلانىستى.
"تەك 10، 11 قازانعا قاراي رەسپۋبليكانىڭ باتىسى مەن سولتۇستىگىندە اتموسفەرالىق فرونتتار وتۋىنە بايلانىستى جاڭبىر جانە قار جاۋادى. رەسپۋبليكا بويىنشا جەل كۇشەيىپ، شىعىس پەن ورتالىقتا تۇمان تۇسەدى، ال وڭتۇستىك-باتىس پەن وڭتۇستىكتە شاڭدى داۋىل تۇرادى"، - دەدى سينوپتيكتەر.
بولجامعا سۇيەنسەك، اۋا تەمپەراتۋراسى ايتارلىقتاي وزگەرمەيدى.
