كوروناۆيرۋستىڭ "دەلتا" شتاممى حالىق اراسىندا ۇجىمدىق يممۋنيتەت قالىپتاسۋىن بولدىرماي وتىر. AstraZeneca ۆاكتسيناسىن دايىنداۋ توبىنىڭ جەتەكشٸسٸ پروفەسسور ەندريۋ پوللارد بريتان پارلامەنتٸندە وسىلاي دەپ مەلٸمدەدٸ.
"بۇل ۆيرۋس قىزىلشا ەمەس. حالىقتىڭ 95 پايىزىنا قىزىلشاعا قارسى ۆاكتسينا سالدىرسا, ۆيرۋس ادامنان ادامعا جۇقپايدى. كوروناۆيرۋستىڭ "دەلتا" شتاممى ۆاكتسينا سالدىرعاندارعا دا جۇعادى. ۆاكتسينا سالدىرماعان ادام ەيتەۋٸر ۆيرۋسپەن كەزدەسەدٸ, ونىڭ جۇعۋىنا كەدەرگٸ جاسايتىن ەشتەڭە بولماي وتىر", - دەدٸ پروفەسسور. ونىڭ ايتقاندارىن The Guardian گازەتٸ تاراتتى. ەندريۋ پوللاردتىڭ پٸكٸرٸنشە, سول سەبەپتٸ ۇجىمدىق يممۋنيتەت قالىپتاسادى دەگەن ەڭگٸمە "اڭىزعا" اينالىپ وتىر.
دەگەنمەن عالىم قولدا بار ۆاكتسينا ۆيرۋستىڭ جۇعىن تەجەمەسە دە, اۋرۋدىڭ اۋىر ٶتۋٸن, ٶلٸم كٶرسەتكٸشٸن ازايتادى دەدٸ.
ۇلىبريتانييادا كەمەلەت جاستان اسقان حالىقتىڭ شامامەن 75 پايىزى كوروناۆيرۋسقا قارسى ۆاكتسينانىڭ ەكٸ دوزاسىن دا سالدىرعان. سوعان بايلانىستى بيلٸك كارانتين شەكتەۋلەرٸنٸڭ كٶبٸسٸن الىپ تاستادى.
AstraZeneca ۆاكتسيناسىن دايىنداۋشىلاردىڭ مەلٸمدەۋٸنشە, پرەپاراتتىڭ كوروناۆيرۋسقا قارسى ورتاشا كٷشٸ - 70 پايىز, "دەلتا" شتاممعا قارسى كٷشٸ - 60 پايىز.
