Koronavirýstyń "delta" shtammy halyq arasynda ujymdyq immýnitet qalyptasýyn boldyrmai otyr. AstraZeneca vaktsinasyn daiyndaý tobynyń jetekshisi professor Endriý Pollard britan parlamentinde osylai dep málimdedi.
"Bul virýs qyzylsha emes. Halyqtyń 95 paiyzyna qyzylshaǵa qarsy vaktsina saldyrsa, virýs adamnan adamǵa juqpaidy. Koronavirýstyń "delta" shtammy vaktsina saldyrǵandarǵa da juǵady. Vaktsina saldyrmaǵan adam áiteýir virýspen kezdesedi, onyń juǵýyna kedergi jasaityn eshteńe bolmai otyr", - dedi professor. Onyń aitqandaryn The Guardian gazeti taratty. Endriý Pollardtyń pikirinshe, sol sebepti ujymdyq immýnitet qalyptasady degen áńgime "ańyzǵa" ainalyp otyr.
Degenmen ǵalym qolda bar vaktsina virýstyń juǵyn tejemese de, aýrýdyń aýyr ótýin, ólim kórsetkishin azaitady dedi.
Ulybritaniiada kámelet jastan asqan halyqtyń shamamen 75 paiyzy koronavirýsqa qarsy vaktsinanyń eki dozasyn da saldyrǵan. Soǵan bailanysty bilik karantin shekteýleriniń kóbisin alyp tastady.
AstraZeneca vaktsinasyn daiyndaýshylardyń málimdeýinshe, preparattyń koronavirýsqa qarsy ortasha kúshi - 70 paiyz, "delta" shtammǵa qarsy kúshi - 60 paiyz.
