مەملەكەت باسشىسى قاسىم-جومارت توقاەۆ ەدٸلەتتٸ قازاقستاندى قۇرۋ جولىندا ناقتى قادامدار جاسالىپ جاتقانىن, مەملەكەت بارلىق سالاداعى جۇمىستىڭ اشىق بولۋىنا كٶڭٸل بٶلٸپ وتىرعانىن مەلٸمدەدٸ,- دەپ حابارلايدى Dalanews.kz.
پرەزيدەنت ازاماتتاردىڭ تابىسىن جاپپاي دەكلاراتسييالاۋدىڭ مەن-ماڭىزى زور ەكەنٸنە توقتالدى.
"بۇل تالاپ 2021 جىلدان بەرٸ بٸرتٸندەپ ەنگٸزٸلٸپ جاتىر. العاشقى ٷش كەزەڭدە 4 ميلليوننان استام ادام دەكلاراتسييا تاپسىردى. ولاردىڭ قاتارىندا مەملەكەتتٸك قىزمەتشٸلەر, كۆازيمەملەكەتتٸك سەكتورداعى باسشىلار, كەسٸپكەرلەر جەنە وسى ساناتقا كٸرەتٸن ازاماتتاردىڭ جۇبايلارى بار. كەلەسٸ جىلى تاعى 8 ميلليونعا جۋىق ادام دەكلاراتسييا تاپسىرادى دەپ جوسپارلانىپ وتىر. الايدا بٸر مەسەلەنٸ ەسكەرۋ قاجەت.
جاپپاي دەكلاراتسييا تاپسىرۋ تۇجىرىمداماسى وسىدان 14 جىل بۇرىن قابىلدانعان. سودان بەرٸ ەلٸمٸزدە تسيفرلاندىرۋ ٸسٸ جەنە فينتەح سالاسى قارقىندى دامىپ كەلە جاتىر. تٷرلٸ مەملەكەتتٸك مەكەمەلەرگە ورتاق مەلٸمەتتەر بازاسى پايدا بولدى. قارجى جەنە سالىق باقىلاۋى كٷشەيدٸ. دەمەك وسىنداي اۋقىمدى ٶزگەرٸستەردەن كەيٸن تٶرتٸنشٸ, ياعني, سوڭعى كەزەڭدە ازاماتتاردى دەكلاراتسييا تاپسىرۋعا مٸندەتتەۋ قانشالىقتى ورىندى دەگەن سۇراق تۋادى. ٷكٸمەت بۇل مەسەلەنٸ جان-جاقتى پىسىقتاۋى قاجەت", - دەدٸ توقاەۆ.
ايتا كەتەيٸك, بۇعان دەيٸن قازاقستاندا جالپىعا بٸردەي دەكلاراتسييالاۋدىڭ III جەنە IV كەزەڭدەرٸنٸڭ كٷشٸن جويۋ تۋرالى پەتيتسييا جارييالاندى. وندا تابىسىنىڭ جارتىسىنان كٶبٸ تەك ٸشەر اسىنا كەتەتٸن قارا حالىقتى بوس ەۋرەگە سالماي, دەكلاراتسييالاۋدان بوساتۋ سۇرالادى.
"سوندىقتان حالىقتى جاپپاي دەكلاراتسييالاۋعا تارتۋعا نەگٸز جوق. تاپقان تابىسىنىڭ جارتىسىنان كٶبٸن تاماققا جۇمسايتىن, ونىڭ ٷستٸنە نەسيەگە ەبدەن بەلشەسٸنەن باتقان قارا حالىقتى دەكلاراتسييالاۋدىڭ نە كەرەگٸ بار... جالپى دەكلاراتسييالاۋ تالابى ەنگٸزٸلگەن قولدانىستاعى سالىق زاڭناماسىندا, كەرٸسٸنشە, قوعامعا تٷك پايداسى جوق سالىق مٸندەتتەمەلەرٸن تەرٸس پايدالانۋعا مٷمكٸندٸك بەرٸپ قانا قويماي, سونىمەن قاتار, تٸپتٸ سالىقتىق جەڭٸلدٸكتەردٸ دە قامتيتىن نورمالار بار", - دەپ جازىلعان پەتيتسييادا.
