"داۋ تۋدىراتىن بىردە-بىر ماسەلە كورىپ تۇرعان جوقپىن". پۋتين رەسەي-قازاقستان قارىم-قاتىناسى تۋرالى

ساعىنىش سارداروۆا 06 ماۋ. 2024 09:48 3125

رەسەي پرەزيدەنتى ۆلاديمير پۋتين قازاقستان مەن رەسەيدىڭ بولاشاعى تۋرالى ايتتى، - دەپ حابارلايدى Dalanews.kz Tengrinews.kz-كە سىلتەپ.

"قازاقستان مەن رەسەي اراسىنداعى ءوزارا قارىم-قاتىناستىڭ بولاشاعى قانداي؟" – دەپ سۇراق قويدى "قازاقپارات" اگەنتتىگىنىڭ باسشىسى اسقار جالدينوۆ.

"وتە جاقسى، باسقاشا ايتا دا المايمىز. ءبىز وتە جاقىن، وداقتاس، ستراتەگيالىق قارىم-قاتىناستامىز. بۇل ساۋدا-ەكونوميكالىق بايلانىستارعا دا قاتىستى، ولار سەنىمدى تۇردە ءوسىپ كەلەدى. جىل سايىنعى اينالىم دەڭگەيى دە وسىنى كورسەتىپ تۇر. ءبىزدىڭ ءوزارا قارىم-قاتىناسىمىزدىڭ كوپتەگەن باعىتى بار. مەن ءبارىن تىزبەكتەپ ايتىپ تا بىتپەيمىن. بۇعان ەنەرگەتيكا، ونەركاسىپتىك ىنتىماقتاستىق جانە عارىش سالاسى دا كىرەدى. ءبىزدىڭ ورتاق شەكارامىز ۇلكەن. ادامدار دا بىر-بىرىمەن ارالاسادى"، - دەدى پۋتين سانكت-پەتەربۋرگتە الەمنىڭ جەتەكشى اقپارات اگەنتتىكتەرى باسشىلارىمەن كەزدەسۋى بارىسىندا.

رەسەي پرەزيدەنتى رەسەيدىڭ 76 سۋبەكتىسى قازاقستاننىڭ ءتيىستى اۋماقتارىمەن بايلانىستى ەكەنىن مالىمدەدى.

"شىنىمدى ايتسام، داۋ تۋدىراتىن جانە ءبىزدىڭ قارىم-قاتىناسىمىزدى قيىنداتاتىن بىردە-بىر ماسەلەنى كورىپ تۇرعان جوقپىن"، - دەپ ءتۇسىندىردى رەسەي پرەزيدەنتى.


ۇسىنىلعان
سوڭعى جاڭالىقتار