Reseı prezıdenti Vladımır Pýtın Qazaqstan men Reseıdiń bolashaǵy týraly aıtty, - dep habarlaıdy Dalanews.kz Tengrinews.kz-ke siltep.
"Qazaqstan men Reseı arasyndaǵy ózara qarym-qatynastyń bolashaǵy qandaı?" – dep suraq qoıdy "QazAqparat" agenttiginiń basshysy Asqar Jaldınov.
"Óte jaqsy, basqasha aıta da almaımyz. Biz óte jaqyn, odaqtas, strategıalyq qarym-qatynastamyz. Bul saýda-ekonomıkalyq baılanystarǵa da qatysty, olar senimdi túrde ósip keledi. Jyl saıynǵy aınalym deńgeıi de osyny kórsetip tur. Bizdiń ózara qarym-qatynasymyzdyń kóptegen baǵyty bar. Men bárin tizbektep aıtyp ta bitpeımin. Buǵan energetıka, ónerkásiptik yntymaqtastyq jáne ǵarysh salasy da kiredi. Bizdiń ortaq shekaramyz úlken. Adamdar da bir-birimen aralasady", - dedi Pýtın Sankt-Peterbýrgte álemniń jetekshi aqparat agenttikteri basshylarymen kezdesýi barysynda.
Reseı prezıdenti Reseıdiń 76 sýbektisi Qazaqstannyń tıisti aýmaqtarymen baılanysty ekenin málimdedi.
"Shynymdy aıtsam, daý týdyratyn jáne bizdiń qarym-qatynasymyzdy qıyndatatyn birde-bir máseleni kórip turǵan joqpyn", - dep túsindirdi Reseı prezıdenti.
