«دارىن» سىيلىعى ەلىمىزدەگى تالاتتى جاستاردى ىناتالاندىرۋعا باعىتتالعان ماڭىزدى سىيلىق بولىپ سانالادى. بۇگىندە ەلىمىزگە اتى ءمالىم تالاي ازاماتتار وسى سىيلىقتا الىپ، وزدەرىنىڭ تقلعالىق بولىمىسىن دامىتىپ، ەل دامۋىنا ءوز ۇلەسىن قوسقان بولاتىن. جالپى «دارىن» مەملەكەتتىك جاستار سىيلىعى جاس قازاقستاندىقتارعا جەمىستى عىلىمي، شىعارماشىلىق، قوعامدىق قىزمەتى، سونداي-اق جوعارى سپورتتىق جەتىستىكتەرى ءۇشىن بەرىلەدى جانە ادەبيەت، عىلىم، ديزاين جانە بەينەلەۋ ونەرى، جۋرناليستيكا، كلاسسيكالىق مۋزىكا، قوعامدىق قىزمەت، سپورت، تەاتر جانە كينو، ەسترادا، حالىق شىعارماشىلىعى سياقتى ءتۇرلى سالالارداعى 10 نوميناسيادان تۇرادى.
اعىمداعى جىلى «دارىن» سىيلىعىن الۋعا 160-تان استام ۇمىتكەردىڭ قۇجاتتارى كەلىپ ءتۇستى، وتىنىمدەر 29 ءساۋىر مەن 10 تامىز ارالىعىندا قابىلداندى
«دارىن» مەملەكەتتىك جاستار سىيلىعىن بەرۋ جونىندەگى كوميسسيا قۇرىلدى. كوميسسيا قۇرامىنا قازاقستان رەسپۋبليكاسىنىڭ بەلگىلى مادەنيەت جانە ونەر قايراتكەرلەرى، عالىمدار، جازۋشىلار، جۋرناليستەر مەن قوعام قايراتكەرلەرى جانە ءوز سالاسىنىڭ كاسىپقويلارى ەندى.
1992 جىلدان باستاپ ەلىمىزدىڭ 264-تەن استام تالانتتى جاستارى سىيلىقتىڭ لاۋرەاتتارى اتاندى. ءار جىلدارى باقتيار ارتايەۆ، سەرىك ساپييەۆ، يليا يلين، دەنيس تەن، ديماش قۇدايبەرگەنوۆ، ماريا مۋدرياك، «مۋز ارت» توبى، قالقامان سارين، ەليزابەت تۇرسىنبايەۆا، ءادىلحان ماكين جانە ت.ب. ازاماتتار سىيلىقتىڭ يەسى اتاندى.
بارلىق جەڭىمپازدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى، ديپلوم، توسبەلگى جانە 600 000 تەڭگە اقشالاي سىيلىق تابىس ەتىلەدى.
«دارىن» مەملەكەتتىك جاستار سىيلىعىن بەرۋ قازاقستان رەسپۋبليكاسىنىڭ تاۋەلسىزدىك كۇنى قارساڭىندا جوسپارلانىپ وتىر.
