«Daryn» memlekettik jastar syilyǵyn 160-tan astam úmitker qatysýda
«Daryn» syilyǵy elimizdegi talatty jastardy ynatalandyrýǵa baǵyttalǵan mańyzdy syilyq bolyp sanalady. Búginde elimizge aty málim talai azamattar osy syilyqta alyp, ózderiniń tqlǵalyq bolymysyn damytyp, el damýyna óz úlesin qosqan bolatyn. Jalpy «Daryn» memlekettik jastar syilyǵy jas qazaqstandyqtarǵa jemisti ǵylymi, shyǵarmashylyq, qoǵamdyq qyzmeti, sondai-aq joǵary sporttyq jetistikteri úshin beriledi jáne ádebiet, ǵylym, dizain jáne beineleý óneri, jýrnalistika, klassikalyq mýzyka, qoǵamdyq qyzmet, sport, teatr jáne kino, estrada, halyq shyǵarmashylyǵy siiaqty túrli salalardaǵy 10 nominatsiiadan turady.
Aǵymdaǵy jyly «Daryn» syilyǵyn alýǵa 160-tan astam úmitkerdiń qujattary kelip tústi, ótinimder 29 sáýir men 10 tamyz aralyǵynda qabyldandy
«Daryn» memlekettik jastar syilyǵyn berý jónindegi komissiia quryldy. Komissiia quramyna Qazaqstan Respýblikasynyń belgili mádeniet jáne óner qairatkerleri, ǵalymdar, jazýshylar, jýrnalister men qoǵam qairatkerleri jáne óz salasynyń kásipqoilary endi.
1992 jyldan bastap elimizdiń 264-ten astam talantty jastary syilyqtyń laýreattary atandy. Ár jyldary Baqtiiar Artaev, Serik Sápiev, Ilia Ilin, Denis Ten, Dimash Qudaibergenov, Mariia Mýdriak, «Mýz ART» toby, Qalqaman Sarin, Elizabet Tursynbaeva, Ádilhan Makin jáne t.b. azamattar syilyqtyń iesi atandy.
Barlyq jeńimpazdarǵa «Daryn» memlekettik jastar syilyǵynyń laýreaty» ataǵy beriledi, diplom, tósbelgi jáne 600 000 teńge aqshalai syilyq tabys etiledi.
«Daryn» memlekettik jastar syilyǵyn berý Qazaqstan Respýblikasynyń Táýelsizdik kúni qarsańynda josparlanyp otyr.
