وتباسىلىق جايلى دەمالىسقا لايىقتالىپ جاسالعان ساياباق رەسمي اشىلسا دا، كەيبىر نىسان قۇرىلىستارى ءالى بىتپەگەن. ولاردىڭ قاتارىندا باسكەتبول الاڭى دا بار. وبلىس باسشىسى بۇل جۇمىستاردى ماۋسىمنىڭ ونىنا دەيىن اياقتاۋدى تاپسىردى.
جۋىقتا مۇندا جاعالاۋىنىڭ ۇزىندىعى 370 مەتر بولاتىن تابيعي باسسەين پايدا بولماق.
قازىرگى كۇنى توعانداردى تازالاۋ جۇمىستارى جۇرگىزىلىپ جاتىر. باسسەين قۇرىلىسى ءبىر جارىم ايدان كەيىن اياقتالادى دەپ بولجانۋدا.
- وسى ساياباقتا بارلىعى تابيعي بولۋى كەرەك. تۇرعىندار مۇندا تەك دەمالۋ ءۇشىن عانا ەمەس، تابيعاتقا ءبىر تابان بولسىن جاقىنداۋعا كەلۋلەرى ءتيىس.سوندىقتان گازونداردى قىرقىپ، قارا جەردى تەگىستەۋدىڭ دە قاجەتى جوق،-دەپ اتاپ ءوتتى ايماق باسشىسى.
