وبلىس ورتالىعى ٶسكەمەن قالاسىنداعى «حاليفا التاي» مەشٸتٸندە ايماق باسشىسى دانيال احمەتوۆتىڭ قاتىسۋىمەن تاريحي جەدٸگەرلەر مۇراجايى اشىلدى.
– بۇل يگٸ ٸس “رۋحاني جاڭعىرۋ” باعدارلاماسىنىڭ اياسىندا جٷزەگە اسىرىلدى. مەشٸت تەك دٸني قۇلشىلىق ەتەتٸن ورنى عانا ەمەس, سونداي-اق سالت-دەستٷردٸ, تاريحىمىزدى ناسيحاتتايتىن رۋحاني ورتالىققا اينالۋى تيٸس. قازٸرگٸ زامان تالابى دا وسى. ەرتە ساق, عۇن, تٷركٸ دەۋٸرلەرٸنەن باستاپ, تەۋەلسٸز قازاقستاننىڭ قۇرىلۋىنا دەيٸنگٸ تاريحتى تٸزبەكتەيتٸن وسىناۋ بٸرەگەي مۇراجايدا قۇندى جەدٸگەرلەر مەن ولاردىڭ تٷپنۇسقاسىنان الىنعان كٶشٸرمەلەرٸ ەرەكشە كٶز تارتادى. الداعى ۋاقىتتا مۇندا شىعىس قازاقستاننىڭ بٸرەگەي بايلىعى سانالاتىن ەلەكە سازىنان تابىلعان التىن ادامعا, قوڭىر ەۋليەگە, ىرعىزباي ەۋليەگە, ەلباسىمىز نۇرسۇلتان ەبٸشۇلى نازارباەۆقا جەنە مۇزتاۋعا ارنالعان جەكە ستەندتەر اشىلسا مۇراجاي تٸپتەن ەرلەنە تٷسەر ەدٸ. بۇدان بٶلەك كٸرەبەرٸس زالدىڭ بٸر قابىرعاسىنا تٷگەلدەي دەرلٸك قازاقستاننىڭ دامۋ تاريحىن سۋرەتتەيتٸن پانورامالىق سۋرەت سالۋ كەرەك, – دەدٸ وبلىس ەكٸمٸ دانيال كەنجەتايۇلى.
مۇراجايدا كٷلتەگٸن ەسكەرتكٸشٸنٸڭ كٶشٸرمەسٸ, تٷركٸستانداعى ەيگٸلٸ تايقازاننىڭ كٶشٸرمەسٸ, قازاقتىڭ التى قانات كيٸز ٷيٸ قويىلىپ, ارىستانباب, قوجا احمەت ياسساۋي كەسەنەلەرٸنٸڭ شاعىن ماكەتتەرٸ ورناتىلدى. بۇدان بٶلەك مۇندا كەلۋشٸلەر قاسيەتتٸ قۇران كٸتابىنىڭ ەلەكتروندى زامانۋي كٶشٸرمەسٸن, تاريحي قۇندى ەڭبەكتەردٸڭ ەلەكتروندى نۇسقالارىن دا تاماشالاي الادى.
سونداي-اق مۇندا ۇلتتىق كٶنە جەدٸگەرلەر مەن ەجەلگٸ دٸني بۇيىمداردا قويىلعان.
تٸپتٸ مۇراجايدا تٷركٸ دەۋٸرٸنٸڭ تاريحىنان سىر شەرتەتٸن «وعىزناما» سەكٸلدٸ كەيبٸر سيرەك كٸتاپتاردىڭ تٷپنۇسقالىق كٶشٸرمەسٸ دە ۇلىبريتانييانىڭ كەمبريدج ۋنيۆەرسيتەتٸنەن جەنە تٷركيياداعى سٷلەيمانيە مەشٸتٸنٸڭ كٸتاپحانالارىنان الىنىپ قويىلدى.
الداعى ۋاقىتتا اتالمىش مۋزەيدٸڭ تىنىس-تٸرشٸلٸگٸنەن حابار بەرەتٸن سايت ٸسكە قوسىلىپ, وندا مۋزەيگە 3D تۋر جاساۋ مٷمكٸندٸگٸ اشىلادى.
ەسەم جىلقىشەۆا,
ٶسكەمەن قالاسى
