بۇل تۋرالى سەمەي قالاسىنداعى قاراعايلى شاعىن اۋدانىندا 19 كوپبالالى جانۇياعا جاڭا پاتەرلەردىڭ كىلتتەرىن تابىس ەتكەن وبلىس اكىمى دانيال احمەتوۆ مالىمدەدى.
⠀
"شىعىس قازاقستان وڭىرىندەگى ءۇي كەزەگىندە تۇرعان از قامتىلعان كوپبالالى وتباسىلاردى 4 جىل ىشىندە باسپانامەن قامتاماسىز ەتەمىز.
⠀
كوپبالالى وتباسىلارعا ءبىزدىڭ ۇسىنىمىز – تۇرعىن ءۇي جيناق قۇرىلىس بانكى ارقىلى «باقىتتى وتباسى» باعدارلاماسى بويىنشا يپوتەكا راسىمدەۋ"، – دەدى دانيال احمەتوۆ.
اكىمنىڭ بانك پەن قوعامدىق كوميسسياسىنىڭ وڭ شەشىمىن العان جانۇياعا 1 ملن. تەڭگەنىڭ سەرتيفيكاتى بەرىلەتىنىن ايتتى. بۇدان بولەك، ەگەر ءۇيدىڭ قۇنى 10 ملن. تەڭگەدەن اسىپ كەتسە، اكىمدىك بيۋدجەتتەن تىس قاراجات ەسەبىنەن 3 ملن تەڭگەگە دەيىنگى قوسىمشا اقىنى سۋبسيديالايتىن بولادى.
⠀
كەلەر جىلى وسى كاتەگورياداعى ازاماتتار ءۇشىن وسكەمەن مەن سەمەيدە اۋماعى 100 ش.م. اسپايتىن ءتورت بولمەلى 300 پاتەر سالامىز.
جالپى بيىل وبلىس بويىنشا 368 وتباسى قونىس تويىن تويلادى. جىل سوڭىنا دەيىن 143 جانۇيا باسپانا الادى.
