بۇل تۋرالى شىعىس قازاقستان وبلىسىنىڭ ەكٸمٸ دانيال احمەتوۆ جۇمىس ساپارى كەزٸندە ايتتى. سونداي-اق, ايماق باسشىسى قۇرىلىسشىلارعا «قاراعايلى» شاعىن اۋدانىندا سالىنىپ جاتقان ٷيلەرگە بۇدان بىلاي تەك ساپالى ماتەريال قولدانۋدى تاپسىردى.
– كٸرپٸشتٸڭ تٷسٸ ٶزگەرمەۋ كەرەك. ەگەر جەرگٸلٸكتٸ تاۋار ٶندٸرۋشٸلەر ساپالى ٶنٸم شىعارا الماسا, وندا قازاقستاننىڭ باسقا ايماقتارىنان, كەرەك بولسا رەسەيدەن الۋ كەرەك. جەرگٸلٸكتٸ كەسٸپكەرلەردٸڭ يگٸلٸگٸ ٷشٸن قۇرىلىستىڭ ساپاسىن قۇربان ەتە المايمىز, – دەدٸ دانيال احمەتوۆ. – ەگەر كٸرپٸشتٸڭ تٷسٸ اي سايىن ٶزگەرٸپ, اعارا بەرەتٸن بولسا, بۇقارا اقشانى اۋاعا شاشتى دەپ سٶگەدٸ. بۇل مەسەلەنٸڭ مەن-جايىن انىقتاپ, توقتاتۋدى تاپسىرامىن.
قازٸرگٸ تاڭدا جاڭادان بوي كٶتەرٸپ جاتقان شاعىن اۋداندا ينفراقۇرىلىم جەلٸسٸ تارتىلۋدا. التى تٷرعىن ٷي بوي كٶتەردٸ. الداعى ۋاقىتتا «اباي-ارەنا» سپورت كەشەنٸنٸڭ, جاڭا بالاباقشا مەن مەكتەپتٸڭ قۇرىلىسى باستالادى. قالالىقتاردىڭ يگٸلٸگٸ ٷشٸن اۋلالار اباتتاندىرىلىپ, جايلى جاعداي جاسالادى.
شقو ەكٸمٸنٸڭ باسپاسٶز قىزمەتٸ
