Bul týraly Shyǵys Qazaqstan oblysynyń ákimi Danial Ahmetov jumys sapary kezinde aitty. Sondai-aq, aimaq basshysy qurylysshylarǵa «Qaraǵaily» shaǵyn aýdanynda salynyp jatqan úilerge budan bylai tek sapaly material qoldanýdy tapsyrdy.
– Kirpishtiń túsi ózgermeý kerek. Eger jergilikti taýar óndirýshiler sapaly ónim shyǵara almasa, onda Qazaqstannyń basqa aimaqtarynan, kerek bolsa Reseiden alý kerek. Jergilikti kásipkerlerdiń igiligi úshin qurylystyń sapasyn qurban ete almaimyz, – dedi Danial Ahmetov. – Eger kirpishtiń túsi ai saiyn ózgerip, aǵara beretin bolsa, buqara aqshany aýaǵa shashty dep sógedi. Bul máseleniń mán-jaiyn anyqtap, toqtatýdy tapsyramyn.
Qazirgi tańda jańadan boi kóterip jatqan shaǵyn aýdanda infraqurylym jelisi tartylýda. Alty túrǵyn úi boi kóterdi. Aldaǵy ýaqytta «Abai-arena» sport kesheniniń, jańa balabaqsha men mekteptiń qurylysy bastalady. Qalalyqtardyń igiligi úshin aýlalar abattandyrylyp, jaily jaǵdai jasalady.
ShQO ákiminiń baspasóz qyzmeti
