ەستەرىڭىزگە سالا كەتەيىك، جىلۋ قازاندىعىنىڭ قۇرىلىسى 2011 جىلدىڭ مامىر ايىندا باستالعان بولاتىن. جوسپارعا سايكەس نىسان 2013 جىلى قولدانىسقا بەرىلۋى ءتيىس ەدى. الايدا جوبانى ىسكە قوسۋ جۇمىستارى بارىسىندا قيىندىقتار تۋىنداعان بولاتىن.
بۇدان بولەك، 2016 جىلى جوبانىڭ باس قۇرىلىس مەردىگەرى بولىپ تاعايىندالعان. «قۇرىلىس-مونتاج كاسىپورىنى – الماتى» ج ش س بانكروتقا ۇشىرادى. جالپى ايتقاندا، قۇرىلىس-مونتاج جۇمىستارى 71 پايىزعا ورىندالعان. وسى كۇنگە دەيىن اۋىل تۇرعىندارى 1965 جىلى سالىنعان ەسكى قازاندىقتى پايدالانىپ كەلدى.
قازاندىق مازۋتپەن جۇمىس ىستەيدى. دانيال احمەتوۆتىڭ ايتۋىنشا، سونىڭ سالدارىنان مەملەكەت قازىناسى ايتارلىقتاي شىعىنعا شەككەن. سەبەبى جىلۋ قازاندىعىنىڭ كسپلۋاتاسياسىنا جىل سايىن 500 ميلليون تەڭگە جۇمسالعان. سوعان قاراماستان ۇيدەگى جىلۋ تالاپقا سايكەس كەلمەگەن.
اعىمداعى جىل باسىندا كوميسسيا قۇرىلىپ، قۇرىلىسى بىتپەگەن نىساندا تەحنيكالىق زەرتتەۋ جۇرگىزىلگەن. ءسويتىپ، شىلدە ايىندا بۇل جۇمىسقا «ازيا ەنەرگو پروەكت مونتاج» ج ش س جاڭا مەردىگەر بولىپ تاعايىندالدى.
كومپانيا تۇزەتۋلەر ەنگىزىپ، جوباداعى قاتەلەردى جوندەپ، جىلۋ قازاندىعىنىڭ قۇرىلىسىن اياقتادى. ءقازىر نىساندى ىسكە قوسۋ جۇمىستارى جۇرگىزىلۋدە.
– بىرنەشە كۇننەن كەيىن جاڭا جىلۋ قازاندىعى قولدانىسقا بەرىلەدى. وسىلايشا، قانشاما جىلدان بەرى تۇرعىنداردىڭ الاڭداتىپ كەلگەن ماسەلە شەشىمىن تاپتى. 10 قازاننان باستاپ اۋىلداعى بارلىق ۇيگە جىلۋ بەرىلەدى، – دەدى دانيال احمەتوۆ.
ايتا كەتەيىك، شۋاق كەنتىندە 500-گە جۋىق وتباسى تۇرادى. وندا 9 كوپقاباتتى تۇرعىن ءۇي بار. قىلمىستىق-تۇزەۋ مەكەمەسىندە ۇلتتىق گۆاردياشىلاردى قوسقاندا 550 ادام جۇمىس ىستەيدى.
