„قالاداعى ارىقتار ٷنەمٸ تازالانىپ وتىرۋى كەرەك. سول ٷشٸن مەردٸگەر كومپانييالارعا اقشا تٶلەنگەن. قازٸر بەلگٸلٸ بوپ وتىرعانداي, بۇل جۇمىس دۇرىس جٷرگٸزٸلمەگەن. بار مەسەلە وسى! قيىن بۇل ارادا ەشتەڭە جوق. ونى اشىق ايتامىن.
ارامتاماقتىق, باسسىزدىق, جاۋاپسىزدىق ورىن العان. جۇمىس جايىنا قالعان. ەندٸ وسىعان جاۋاپتىلاردىڭ بارلىعى تاياۋ ارادا ٶز جازالارىن الادى دەپ ويلاپ تۇرمىن„
— دەيدٸ شىعىس قازاقستان وبلىسىنىڭ ەكٸمٸ دانيال احمەتوۆ.
احمەتوۆ سونىمەن قاتار ٶسكەمەندەگٸ سۋ باسقان اۋدانداردى ارالاپ, تاسقىننان زارداپ شەككەن تۇرعىندارمەن تٸلدەستٸ. قالانىڭ تٷبٸندەگٸ قار سۋى باسقان كراسين كەنتٸ مەن ابلاكەتكا ىقشام اۋدانىنا بارعان ايماق باسشىسى مۇنداعى جەكە ٷيلەردٸڭ تۇرعىندارىمەن جولىقتى. ولاردىڭ حال-جاعدايىن كٶزبەن كٶردٸ.
اۋدان تۇرعىنى اندرەي تاتارچەنكونىڭ سٶزٸنە قاراعاندا, وسىنداي جاعدايدىڭ ورىن الۋىنا وسى ماڭداعى ارىق كٶزدەرٸنٸڭ دەر كەزٸندە تازالانباۋى سەبەپشٸ بولعان.
سالدارىنان ارىق سۋى ارناسىنان اسىپ-تٶگٸلٸپ, ٸرگەدەگٸ اۋلالار 30-40 سانتيمەترلٸك سۋ استىندا قالعان. اپاتتى جويۋ ماقساتىندا وقيعا ورنىنا تٶتەنشە جاعداي دەپارتامەنتٸنٸڭ ماماندارى مەن تەحنيكاسى جۇمىلدىرىلىپ, جەكسەنبٸ كٷنٸ تٷننٸڭ بٸر ۋاقىتىنا دەيٸن جٷرگٸزٸلگەن جۇمىستاردىڭ ارقاسىندا اۋلالار سۋدان تازارتىلدى.
دەل وسىنداي جاعداي ابلاكەتكا ىقشاماۋدانىندا دا قالىپتاسقان. بٸراق بۇل جەردەگٸ ەكٸ اۋلانى باسقان تەرەڭدٸگٸ 80 سانتيمەترلٸك سۋدى جويۋ ٸس-شارالارى ەلٸ دە جالعاسۋدا.
قاجەتتٸ جۇمىستار جٷرگٸزٸلٸپ جاتقانىنا قاراماستان, بٷگٸن تاڭەرتەڭ وقيعا ورنىنا بارعان وبلىس ەكٸمٸ دانيال احمەتوۆ تٶتەنشە جاعدايلار دەپارتامەنتٸ مەن قالا ەكٸمدٸگٸنٸڭ جۇمىسىن قاتاڭ سىنعا الدى.
— سٸزدەر بٸر ارىقتىڭ سۋمەن بٸر تەۋلٸك بويى الىستىڭىزدار. اينالدىرعان تٶرت ٷيدٸڭ پروبلەماسىن وسىنشاما ۇزاق ۋاقىت شەشە الماۋلارىڭىز اقىلعا سيمايدى. بۇل — بارىپ تۇرعان ماسقارا عوي.
بىلتىر سٸزدەرگە قوماقتى قاراجات بٶلٸپ, مۇنداي جاعدايدا قاجەتتٸ بولاتىن تەحنيكا الۋعا كٶمەكتەسكەنبٸز. سول تەحنيكا قايدا, نەگە پايدالانبايسىزدار?
جالپى, مۇنداي احۋالدىڭ قالىپتاسۋىنا, تابيعات ەمەس, ٶز مٸندەتتەرٸنە سالعىرت قاراعان كەي لاۋازىمدى تۇلعالار كٸنەلٸ, — دەدٸ.
[video width="290" height="360" mp4="https://dalanews.kz/wp-content/uploads/2018/03/videoplayback.mp4"][/video]
دەرەككٶز: kaz.altaynews.kz
