„Qaladaǵy aryqtar únemi tazalanyp otyrýy kerek. Sol úshin merdiger kompaniialarǵa aqsha tólengen. Qazir belgili bop otyrǵandai, bul jumys durys júrgizilmegen. Bar másele osy! Qiyn bul arada eshteńe joq. Ony ashyq aitamyn.
Aramtamaqtyq, bassyzdyq, jaýapsyzdyq oryn alǵan. Jumys jaiyna qalǵan. Endi osyǵan jaýaptylardyń barlyǵy taiaý arada óz jazalaryn alady dep oilap turmyn„
— deidi Shyǵys Qazaqstan oblysynyń ákimi Danial Ahmetov.
Ahmetov sonymen qatar Óskemendegi sý basqan aýdandardy aralap, tasqynnan zardap shekken turǵyndarmen tildesti. Qalanyń túbindegi qar sýy basqan Krasin kenti men Ablaketka yqsham aýdanyna barǵan aimaq basshysy mundaǵy jeke úilerdiń turǵyndarymen jolyqty. Olardyń hal-jaǵdaiyn kózben kórdi.
Aýdan turǵyny Andrei Tatarchenkonyń sózine qaraǵanda, osyndai jaǵdaidyń oryn alýyna osy mańdaǵy aryq kózderiniń der kezinde tazalanbaýy sebepshi bolǵan.
Saldarynan aryq sýy arnasynan asyp-tógilip, irgedegi aýlalar 30-40 santimetrlik sý astynda qalǵan. Apatty joiý maqsatynda oqiǵa ornyna tótenshe jaǵdai departamentiniń mamandary men tehnikasy jumyldyrylyp, jeksenbi kúni túnniń bir ýaqytyna deiin júrgizilgen jumystardyń arqasynda aýlalar sýdan tazartyldy.
Dál osyndai jaǵdai Ablaketka yqshamaýdanynda da qalyptasqan. Biraq bul jerdegi eki aýlany basqan tereńdigi 80 santimetrlik sýdy joiý is-sharalary áli de jalǵasýda.
Qajetti jumystar júrgizilip jatqanyna qaramastan, búgin tańerteń oqiǵa ornyna barǵan oblys ákimi Danial Ahmetov tótenshe jaǵdailar departamenti men qala ákimdiginiń jumysyn qatań synǵa aldy.
— Sizder bir aryqtyń sýmen bir táýlik boiy alystyńyzdar. Ainaldyrǵan tórt úidiń problemasyn osynshama uzaq ýaqyt sheshe almaýlaryńyz aqylǵa simaidy. Bul — baryp turǵan masqara ǵoi.
Byltyr sizderge qomaqty qarajat bólip, mundai jaǵdaida qajetti bolatyn tehnika alýǵa kómekteskenbiz. Sol tehnika qaida, nege paidalanbaisyzdar?
Jalpy, mundai ahýaldyń qalyptasýyna, tabiǵat emes, óz mindetterine salǵyrt qaraǵan kei laýazymdy tulǵalar kináli, — dedi.
[video width="290" height="360" mp4="https://dalanews.kz/wp-content/uploads/2018/03/videoplayback.mp4"][/video]
Derekkóz: kaz.altaynews.kz
