پورتۋگاليا قۇراماسىنىڭ جانە «ال-ناسر» كلۋبىنىڭ شابۋىلشىسى كريشتيانۋ رونالدۋ اقش پرەزيدەنتى دونالد ترامپپەن كەزدەستى، دەپ حابارلايدى Dalanews.kz.
بۇل تۋرالى اق ءۇيدىڭ باسپا ءسوز قىزمەتى حابارلاعان.
«ەكى ۇلى تۇلعا. CR7 x 45/47»، – دەپ ۆيدەونى سيپاتتاعان.
بۇعان دەيىن رونالدۋ ساۋد ارابياسىنىڭ مۇراگەر حانزاداسى مۇحاممەد بەن سالماننىڭ قۇرمەتىنە ۇيىمداستىرىلعان اق ۇيدەگى سالتاناتتى كەشتىڭ ارنايى قوناقتارىنىڭ ءبىرى بولعانى حابارلانعان ەدى.
كريشتيانۋ 40 جاستا، 2023 جىلدان بەرى «ال-ناسر» ساپىندا ويناپ ءجۇر. شابۋىلشىعا ەڭ ۇلكەن تانىمالدىق اكەلگەن كلۋبتار «مانچەستەر يۋنايتەد» پەن مادريدتىك «رەال». رونالدۋ - «التىن دوپ» ماراپاتىنىڭ بەس دۇركىن يەگەرى.
