بٷگٸن قىزىلوردادا «دالا كٷنٸ – 2026» ٸس-شاراسىندا ى.جاقاەۆ اتىنداعى قازاق كٷرٸش شارۋاشىلىعى عىلىمي-زەرتتەۋ ينستيتۋتىنىڭ ەگٸس القابىنا العاشقى وراق سالۋ رەسٸمٸ ٶتتٸ, دەپ حابارلايدى dalanews.kz.
وعان وبلىس ەكٸمٸ مۇرات ەرگەشباەۆ, اۋىل شارۋاشىلىعى ۆيتسە-مينيسترٸ ەرمەك كەنجەحانۇلى, سۋ رەسۋرستارى جەنە يرريگاتسييا ۆيتسە-مينيسترٸ جاندوس ساليموۆ, ۇلتتىق اگرارلىق عىلىمي-بٸلٸم بەرۋ ورتالىعىنىڭ باسقارما تٶراعاسى باۋىرجان اسانوۆ, مينيسترلٸك ٶكٸلدەرٸ, ەلٸمٸزدٸڭ جەتەكشٸ عىلىمي-زەرتتەۋ ينستيتۋتتارىنىڭ باسشىلارى, قالا جەنە اۋدان ەكٸمدەرٸ, وبلىستىق باسقارمالار مەن دەپارتامەنتتەردٸڭ باسشىلارى, سۋ شارۋاشىلىعى مەكەمەلەرٸ مەن شارۋا قوجالىقتارىنىڭ تٶراعالارى, قارجى ينستيتۋتتارىنىڭ ٶكٸلدەرٸ قاتىستى.
ايماق باسشىسى ەڭبەككەرلەردٸ قۇتتىقتاپ, بيىلعى جاۋاپتى ناۋقانعا دايىندىق بارىسىندا اتقارىلعان جۇمىستارعا توقتالدى.
«سىر ەلٸ – ەجەلدەن ديقانشىلىق دەستٷرٸ ورنىققان بەرەكەلٸ ٶڭٸر. اق كٷرٸشٸمەن اتى شىققان ايماق بٷگٸندە ەلٸمٸزدٸڭ ازىق-تٷلٸك قاۋٸپسٸزدٸگٸنە ەلەۋلٸ ٷلەس قوسىپ كەلەدٸ. مەملەكەت باسشىسى قاسىم-جومارت كەمەلۇلى جاھاندىق ازىق-تٷلٸك نارىعىندا بەسەكەگە قابٸلەتتٸلٸكتٸ ارتتىرۋ ٷشٸن عىلىمدى دامىتۋدى, سونىڭ ٸشٸندە تۇقىم شارۋاشىلىعىن جانداندىرۋدى اتاپ ٶتكەن بولاتىن. باستى مٸندەت – دەستٷرلٸ سالانىڭ ەلەۋەتٸن زاماناۋي تەحنولوگييا, عىلىم جەنە يننوۆاتسييامەن ساباقتاستىرىپ, سۋ رەسۋرستارىن تيٸمدٸ پايدالانۋ ارقىلى مول ٶنٸمگە قول جەتكٸزۋ. بۇل رەتتە مەملەكەتتٸك قولداۋ مەن عىلىم مٷمكٸندٸگٸن شارۋالاردىڭ تەجٸريبەسٸمەن ۇشتاستىرۋ ماڭىزدى. بارشا ديقان قاۋىمىن كٷرٸشكە وراق تٷسۋٸمەن قۇتتىقتايمىن! ەڭبەكتەرٸڭٸز بەرەكەلٸ بولىپ, اق كٷرٸشتەن مول ٶنٸم جينالسىن. سىر ٶڭٸرٸنٸڭ ىرىسى ارتا بەرسٸن!», – دەدٸ مۇرات نەلقوجاۇلى.
باسقوسۋدا الا جازداي اپتاپ ىستىقتا ماڭداي تەرٸن تٶگٸپ, ەل ىرىسىن ەسەلەگەن مەرتەبەلٸ ەڭبەك ادامدارى ماراپات تٶرٸنەن كٶرٸندٸ.
جيىندا اۋىل شارۋاشىلىعى تەحنيكالارىنىڭ كٶرمەسٸ ۇيىمداستىرىلىپ, قاتىسۋشىلار زاماناۋي تەحنيكالارمەن جەنە ولاردىڭ مٷمكٸندٸكتەرٸمەن تانىستى.
ى. جاقاەۆ اتىنداعى قازاق كٷرٸش شارۋاشىلىعى عىلىمي-زەرتتەۋ ينستيتۋتى – كٷرٸش سەلەكتسيياسىمەن جەنە تۇقىم شارۋاشىلىعىمەن اينالىساتىن بٸرەگەي اگرارلىق ۇيىم. بيىل ينستيتۋتتىڭ ماتەريالدىق-تەحنيكالىق بازاسىن جاڭعىرتۋعا رەسپۋبليكالىق بيۋدجەتتەن 4,2 ملرد تەڭگە بٶلٸنٸپ, زاماناۋي سەلەكتسييالىق تەحنيكالار مەن تۇقىم زاۋىتتارى الىندى. بۇل تۇقىم شارۋاشىلىعىنىڭ دامۋىنا, ونىڭ ٸشٸندە وتاندىق كٷرٸش سورتتارىنىڭ ساپاسى مەن ەگٸس كٶلەمٸنٸڭ ارتۋىنا وڭ ەسەرٸن تيگٸزەرٸ سٶزسٸز.
قابىلدانعان جٷيەلٸ شارالاردىڭ نەتيجەسٸندە ۆەگەتاتسييالىق كەزەڭ تۇراقتى ٶتٸپ, ەگٸس القاپتارى جوسپارعا سەيكەس سۋمەن قامتاماسىز ەتٸلدٸ. ودان بٶلەك, سۋ ٷنەمدەۋ تەحنولوگييالارىن قولداۋعا 2026-2028 جىلدارعا 34 ملرد. تەڭگەدەن استام قارجى بٶلٸندٸ.
مەملەكەت باسشىسىنىڭ سۋدى كٶپ قاجەت ەتەتٸن داقىلدار كٶلەمٸن وڭتايلاندىرۋ تاپسىرماسىنا سەيكەس, بيىل كٷرٸش القابى قىسقارتىلىپ, 70 مىڭ گەكتارعا ەگٸلدٸ. سۋ ٷنەمدەۋ تەحنولوگييالارىن ەنگٸزۋ جەنە ەرتاراپتاندىرۋ باعىتىندا ٸرٸ ينۆەستيتسييالىق جوبالار قولعا الىندى.
