ءان قاناتىنداعى جىر» اتتى دانەش راقىشيەۆ اتىنداعى رەسپۋبليكالىق جازبا اقىندار بايقاۋىنىڭ
ەرەجەسى
قازاقستان جازۋشىلار وداعى، الماتى وبلىسىنىڭ «تامشىبۇلاق» ادەبيەتشىلەر قاۋىمداستىعى مەن دانەش راقىشيەۆ اتىنداعى قوردىڭ ۇيىمداستىرۋىمەن قازاقتىڭ جەزتاڭداي ءانشىسى، سازگەر، قازاقستاننىڭ حالىق ءارتىسى دانەش راقىش ۇلىنىڭ 90 جىلدىق مەرەيتويىنا وراي «ءان قاناتىنداعى جىر» اتتى رەسپۋبليكالىق جازبا اقىندار بايقاۋى (ارى قاراي - بايقاۋ) وتەدى.
بايقاۋدىڭ ماقساتى بار ءومىرىن ءان ونەرىنە ارناعان، ءانشى اقىنداردىڭ ءداستۇرىن جالعاستىرۋشى، ءان ونەرىنىڭ اقبەرەنى، جەتىسۋدىڭ انشىلىك مەكتەبىن قالىپتاستىرعان دانەش راقىش ۇلىنىڭ ەسىمىن جىر الەمىندە اسقاقتاتۋ، ءبىرجان سال، اقان سەرى، ۇكىلى ىبىراي سياقتى ەسىمدەرى ادەبيەت تاريحىندا قالعان ۇلى تۇلعالارداي دانەش ەسىمىن پوەزيادا قالدىرۋ، ءانشىنىڭ مول مۇراسى ارقىلى ءان قۇدىرەتىن ناسيحاتتاۋ، جاس ۇرپاقتى وتانسۇيگىشتىككە تاربيەلەۋ.
رەسپۋبليكالىق بايقاۋ ۇستىمىزدەگى جىلدىڭ قازان ايىندا وتەدى (ناقتى وتەتىن ۋاقىتى، ورنى قوسىمشا حابارلانادى).
بايقاۋعا ەلىمىزدىڭ بارلىق وبلىستارىنان 20-40 جاس ارالىعىنداعى اقىندار قاتىسا الادى.
بايقاۋ 2 تاپسىرما بويىنشا وتەدى:
1. «ءان ونەرىنىڭ اقبەرەنى».
اقىنداردىڭ دانەش راقىشۇلىنا ارناعان ولەڭى. مازمۇنى ءانشىنىڭ قازاق ونەرىندە الاتىن ورنىن، ءومىر جولىن، تۋعان جەرىنىڭ شەجىرەلى تاريحىن، سۇلۋ تابيعاتىن تانىتاتىن تۋىندى بولۋى شارت.
2. «ءان قاناتىنداعى جىر».
د. راقىشيەۆ ورىنداعان اندەرگە ارنالعان ولەڭ. ءان ونەرىنىڭ قۇدىرەتىن، بابالاردان قالعان اسىل مۇرالاردىڭ سارقىلماس قازىناسىن تىلگە تيەك ەتۋ.
وقىلاتىن شىعارمالار كولەمى 15 شۋماقتان اسپاۋى كەرەك.
بايقاۋ شارتتارى:
قاتىسۋشى تالاپكەرلەردەن تومەندەگى قۇجاتتار قابىلدانادى:
- بايقاۋعا قاتىسۋشى تۋرالى مالىمەت (تۋعان جىلى، قىزمەتى نەمەسە وقۋ ورنى، انىقتاما تەلەفونى)؛
- شىعارماشىلىق ءومىربايانى، ولەڭدەرىنىڭ ەلەكتروندى نۇسقاسى؛
- ءتۇرلى ءتۇستى 6ح9 كولەمدەگى فوتوسۋرەتى، جەكە كۋالىگىنىڭ كوشىرمەسىن جىبەرۋى ءتيىس؛
بايقاۋعا قاتىسۋشى ۇمىتكەرلەر قازىرگى زامان تالابىنا ساي كيىنگەنى (ۇلتتىق ايشىقتى كيىممەن) ءجون.
ەسكەرتۋ:
قاتىسۋشى ۇمىتكەرلەردىڭ ونەرىن ارنايى قۇرىلعان ساراپتاۋ توبى باعالاپ، تومەندەگىدەي قاسيەتتەرىنە نازار اۋدارادى:
- ولەڭ-جىرلارىنداعى ءسوز قولدانىسىنا، ۇيقاسىنا، وي جۇيەلىگى مەن تەرەڭدىگىنە، كوركەمدىك ەرەكشەلىگىنە؛
- شىعارمالارىن مانەرلەپ وقۋ شەبەرلىگىنە؛
- ءتىل تازالىعىنا، ساحنا مادەنيەتى جانە كيىمىنە.
بايقاۋ جەڭىمپازدارى دانەش راقىشيەۆ اتىنداعى قوردىڭ تاعايىنداعان ارنايى جۇلدەلەرىمەن ماراپاتتالادى. ۇسىنىلعان ولەڭ-جىرلار توپتاما جيناق رەتىندە شىعارىلادى.
بايقاۋعا قاتىسۋشىلاردىڭ جول شىعىنى، تاماعى ۇيىمداستىرۋشىلار تاراپىنان قاراستىرىلمايدى.
بايقاۋعا قاتىسۋشى ۇمىتكەر تۋرالى جوعارىداعى كورسەتىلگەن قۇجاتتار، ولەڭدەرى (ەلەكتروندى نۇسقاسى) 2016 جىلدىڭ 1 قازانىنا دەيىن تومەندەگى ەلەكتروندى مەكەنجايعا جىبەرىلۋى ءتيىس:
E-mail: danesh_gulnar@mail.ru
بايلانىس تەلەفوندارى:
8-778-3337821
8-775-6372780
