Án qanatyndaǵy jyr» atty Dánesh Raqyshev atyndaǵy respýblıkalyq jazba aqyndar baıqaýynyń
EREJESİ
Qazaqstan Jazýshylar odaǵy, Almaty oblysynyń «Tamshybulaq» ádebıetshiler qaýymdastyǵy men Dánesh Raqyshev atyndaǵy qordyń uıymdastyrýymen qazaqtyń jeztańdaı ánshisi, sazger, Qazaqstannyń Halyq ártisi Dánesh Raqyshulynyń 90 jyldyq mereıtoıyna oraı «Án qanatyndaǵy jyr» atty respýblıkalyq jazba aqyndar baıqaýy (ary qaraı - Baıqaý) ótedi.
Baıqaýdyń maqsaty bar ómirin án ónerine arnaǵan, ánshi aqyndardyń dástúrin jalǵastyrýshy, án óneriniń aqbereni, Jetisýdyń ánshilik mektebin qalyptastyrǵan Dánesh Raqyshulynyń esimin jyr áleminde asqaqtatý, Birjan sal, Aqan seri, Úkili Ybyraı sıaqty esimderi ádebıet tarıhynda qalǵan uly tulǵalardaı Dánesh esimin poezıada qaldyrý, ánshiniń mol murasy arqyly án qudiretin nasıhattaý, jas urpaqty otansúıgishtikke tárbıeleý.
Respýblıkalyq baıqaý ústimizdegi jyldyń qazan aıynda ótedi (naqty ótetin ýaqyty, orny qosymsha habarlanady).
Baıqaýǵa elimizdiń barlyq oblystarynan 20-40 jas aralyǵyndaǵy aqyndar qatysa alady.
Baıqaý 2 tapsyrma boıynsha ótedi:
1. «Án óneriniń aqbereni».
Aqyndardyń Dánesh Raqyshulyna arnaǵan óleńi. Mazmuny ánshiniń qazaq ónerinde alatyn ornyn, ómir jolyn, týǵan jeriniń shejireli tarıhyn, sulý tabıǵatyn tanytatyn týyndy bolýy shart.
2. «Án qanatyndaǵy jyr».
D. Raqyshev oryndaǵan ánderge arnalǵan óleń. Án óneriniń qudiretin, babalardan qalǵan asyl muralardyń sarqylmas qazynasyn tilge tıek etý.
Oqylatyn shyǵarmalar kólemi 15 shýmaqtan aspaýy kerek.
Baıqaý sharttary:
Qatysýshy talapkerlerden tómendegi qujattar qabyldanady:
- baıqaýǵa qatysýshy týraly málimet (týǵan jyly, qyzmeti nemese oqý orny, anyqtama telefony);
- shyǵarmashylyq ómirbaıany, óleńderiniń elektrondy nusqasy;
- túrli tústi 6h9 kólemdegi fotosýreti, jeke kýáliginiń kóshirmesin jiberýi tıis;
Baıqaýǵa qatysýshy úmitkerler qazirgi zaman talabyna saı kıingeni (ulttyq aıshyqty kıimmen) jón.
Eskertý:
Qatysýshy úmitkerlerdiń ónerin arnaıy qurylǵan saraptaý toby baǵalap, tómendegideı qasıetterine nazar aýdarady:
- óleń-jyrlaryndaǵy sóz qoldanysyna, uıqasyna, oı júıeligi men tereńdigine, kórkemdik ereksheligine;
- shyǵarmalaryn mánerlep oqý sheberligine;
- til tazalyǵyna, sahna mádenıeti jáne kıimine.
Baıqaý jeńimpazdary Dánesh Raqyshev atyndaǵy qordyń taǵaıyndaǵan arnaıy júldelerimen marapattalady. Usynylǵan óleń-jyrlar toptama jınaq retinde shyǵarylady.
Baıqaýǵa qatysýshylardyń jol shyǵyny, tamaǵy uıymdastyrýshylar tarapynan qarastyrylmaıdy.
Baıqaýǵa qatysýshy úmitker týraly joǵarydaǵy kórsetilgen qujattar, óleńderi (elektrondy nusqasy) 2016 jyldyń 1 qazanyna deıin tómendegi elektrondy mekenjaıǵa jiberilýi tıis:
E-mail: danesh_gulnar@mail.ru
Baılanys telefondary:
8-778-3337821
8-775-6372780
