د. احمەتوۆ: تاۋەلسىزدىكتى ساقتاپ، بولاشاققا امانات ەتۋ - بارشامىز ءۇشىن قاستەرلى پارىز

Dalanews 14 جەلت. 2016 08:50 350

سالتاناتتى جيىن بارىسىندا قازاقستاننىڭ تاۋەلسىزدىك جىلدارداعى ەكونوميكاداعى، سىرتقى ساياساتتاعى، اۋىل شارۋاشىلىعىنداعى، ەنەرگەتيكا، دەنساۋلىق ساقتاۋ، ءبىلىم بەرۋ جانە  مادەنيەت سالالارىنداعى جەتىستىكتەرى اتالدى.

قۇتتىقتاۋ سوزىندە ءوڭىر باسشىسى دانيال احمەتوۆ شىعىس قازاقستاننىڭ شيرەك عاسىرداعى كورسەتكىشتەرىنە توقتالدى.

– تاۋەلسىزدىك – قازاق حالقىنىڭ بوستاندىققا ۇمتىلعان اسقاق ارماندارى مەن قايتپاس نامىسىنىڭ جەمىسى. تاۋەلسىزدىك – جاڭا تۇرپاتتى قازاقستان مەملەكەتىنىڭ، 25 جىل ىشىندەگى بارلىق تاريحي جەڭىستەرى مەن باعا جەتپەس بايلىقتارىنىڭ  باستاۋى! سوندىقتان، ونى، كوزدىڭ قاراشىعىنداي ساقتاپ، بولاشاققا امانات ەتۋ – بارشامىز ءۇشىن، قاستەرلى پارىز، – دەپ اتاپ ءوتتى شقو اكىمى.

سونىمەن قاتار شىعىسقازاقستاندىقتاردى وسكەمەن قالاسىنا جۇمىس ساپارىمەن كەلگەن قازاقستان رەسپۋبليكاسىنىڭ ىشكى ىستەر ءمينيسترى قالمۇحانمەت قاسىموۆ مەرەكەمەن قۇتتىقتادى.

سالتاناتتى شارا جەرگىلىكتى ونەپازدار جانە قازاقستان رەسپۋبليكاسىنىڭ حالىق ءارتىسى روزا رىمبايەۆانىڭ قاتىسۋىمەن وتكەن مەرەكەلىك كونسەرتپەن جالعاسىن تاپتى.


ۇسىنىلعان
سوڭعى جاڭالىقتار