Quttyqtaý sózinde óńir basshysy Danıal Ahmetov Shyǵys Qazaqstannyń shırek ǵasyrdaǵy kórsetkishterine toqtaldy.
– Táýelsizdik – qazaq halqynyń bostandyqqa umtylǵan asqaq armandary men qaıtpas namysynyń jemisi. Táýelsizdik – jańa turpatty Qazaqstan memleketiniń, 25 jyl ishindegi barlyq tarıhı jeńisteri men baǵa jetpes baılyqtarynyń bastaýy! Sondyqtan, ony, kózdiń qarashyǵyndaı saqtap, bolashaqqa amanat etý – barshamyz úshin, qasterli paryz, – dep atap ótti SHQO ákimi.
Sonymen qatar shyǵysqazaqstandyqtardy Óskemen qalasyna jumys saparymen kelgen Qazaqstan Respýblıkasynyń ishki ister mınıstri Qalmuhanmet Qasymov merekemen quttyqtady.
Saltanatty shara jergilikti ónepazdar jáne Qazaqstan Respýblıkasynyń Halyq ártisi Roza Rymbaevanyń qatysýymen ótken merekelik konsertpen jalǵasyn tapty.
