پرەزيدەنت قاسىم-جومارت توقاەۆتىڭ اقش-قا ساپارى وسى اپتانىڭ ەڭ كٶپ تالقىلانعان حالىقارالىق وقيعالارىنىڭ بٸرٸ بولىپ, جەتەكشٸ ەلەمدٸك بۇقارالىق اقپارات قۇرالدارىنىڭ كەڭ نازارىن اۋدارتتى, دەپ حابارلايدى Dalanews.kz.
جاپونييانىڭ جەتەكشٸ اقپارات اگەنتتٸگٸ KyodoNews توقاەۆتىڭ ساپارى C5+1 فورماتىنداعى سامميتتٸڭ كەڭەيتٸلگەن اۋقىمدا ٶتكەنٸن اتاپ ٶتتٸ. اگەنتتٸك ۆاشينگتوننىڭ ورتالىق ازييا ەلدەرٸمەن ىنتىماقتاستىقتى نىعايتۋعا باعىتتالعان ٶسٸپ كەلە جاتقان نازارىن ەرەكشە اتاپ كٶرسەتتٸ. اۆتورلاردىڭ پٸكٸرٸنشە, قازاقستان اقش-تىڭ ماڭىزدى سەرٸكتەسٸ ەرٸٶڭٸرلٸك ديپلوماتييانىڭ نەگٸزگٸ بۋىنى رەتٸندە ٶز ۇستانىمىن نىعايتىپ كەلەدٸ.
Financial Times باسىلىمى ساپاردىڭ ٶنەركەسٸپتٸك جەنە تەحنولوگييالىق كٷن تەرتٸبٸنە باسىمدىق بەردٸ. باسىلىمنىڭ جازۋىنشا, قازاقستان – ۋران ٶندٸرٸسٸ بويىنشا ەلەمدەگٸ جەتەكشٸ مەملەكەت, سونداي-اق ۆاشينگتوندا ستراتەگييالىق ماڭىزدى مينەرالدار سالاسىنداعى ىنتىماقتاستىق تۋرالى مەموراندۋمعا جەنە قۇنى 2 ملرد اقش دوللارىنا دەيٸن باعالانعان جاساندى ينتەللەكتكە ارنالعان چيپتەردٸ جەتكٸزۋ جٶنٸندەگٸ Nvidia كومپانيياسىمەن كەلٸسٸمگە قول قويىلعانىن حابارلادى.
ساپاردىڭ ماڭىزدى نەتيجەلەرٸنٸڭ بٸرٸ – قازاقستاننىڭ اۆراام كەلٸسٸمدەرٸنە قوسىلاتىنى تۋرالى مەلٸمدەمە بولدى. بۇل باستاما يزرايلمەن قارىم-قاتىناستى قالىپقا كەلتٸرۋگە باعىتتالعان حالىقارالىق ىنتىماقتاستىقتىڭ بٸر بٶلٸگٸ بولىپ تابىلادى.
CNN تەلەارناسى بۇل شەشٸمدٸ تاريحي دەپ اتاپ, دونالد ترامپتىڭ سٶزٸن كەلتٸردٸ:
«مەن يزرايل پرەمەر-مينيسترٸ بينيامين نەتانياحۋمەن جەنە قازاقستان پرەزيدەنتٸ قاسىم-جومارت توقاەۆپەن ٶتە جاقسى ەڭگٸمەلەستٸم. مەنٸڭ ەكٸنشٸ پرەزيدەنتتٸك مەرزٸمٸم كەزٸندە اۆراام كەلٸسٸمدەرٸنە قوسىلعان العاشقى ەل – قازاقستان بولدى. بۇل حالىقارالىق سەرٸكتەستٸكتٸڭ جاڭا كەزەڭٸنٸڭ باستاۋى», — دەدٸ ترامپ.
The Washington Post باسىلىمى قازاقستاننىڭ بۇلشەشٸمٸن «نەگٸزٸنەن سيمۆولدىق ماڭىزعا يە» دەپ باعالاپ, استانا مەن تەل-اۆيۆ اراسىنداعى 30 جىلدان استام ۋاقىتقا سوزىلعان ديپلوماتييالىق قاتىناستاردى ەسكە سالدى.
Axios پورتالى بۇل قادامنىڭ «قازاقستاننىڭ مۇسىلمان ەلەمٸ مەن باتىس اراسىنداعى كٶپٸر رەتٸندەگٸ رٶلٸن كٷشەيتٸپ, ەكونوميكالىق جەنە گۋمانيتارلىق ىنتىماقتاستىقتىڭ جاڭا مٷمكٸندٸكتەرٸن اشاتىنىن» اتاپ ٶتتٸ.
The New York Times ساراپشىلارىنىڭ پٸكٸرٸنشە, توقاەۆتىڭ بۇل ساپارى بٷكٸل ورتالىق ازييا ٶڭٸرٸ ٷشٸن ماڭىزدى وقيعاعا اينالىپ, قازاقستاننىڭ ديپلوماتييالىق ىقپالىنىڭ ارتىپ كەلە جاتقانىن جەنە ونىڭ اقش ٷشٸن ستراتەگييالىق سەرٸكتەس رەتٸندەگٸ مەرتەبەسٸن راستادى.
The Straits Times باسىلىمى كەلٸسسٶزدەردەگٸ نەگٸزگٸ تاقىرىپتاردىڭ بٸرٸ ەنەرگەتيكالىق قاۋٸپسٸزدٸك بولعانىن حابارلادى. اقش تاراپى قازاقستاننان ۋران مەن ٶزگە دە ستراتەگييالىق ماڭىزدى مينەرالداردى جەتكٸزۋدٸ كەڭەيتۋگە مٷددەلٸلٸك تانىتقان.
Reuters حالىقارالىق اگەنتتٸگٸ پرەزيدەنت توقاەۆپەن پرەزيدەنت ترامپتىڭ اق ٷيدەگٸ كەزدەسۋٸن سىندارلى جەنە ٸسكەرلٸك احۋالدا ٶتتٸ دەپ سيپاتتاپ, كەلٸسسٶزدەردٸڭ ساۋدا, ەنەرگەتيكا جەنە تەحنولوگييالار سالالارىن قامتىعانىن جەتكٸزدٸ.
وسىلايشا, پرەزيدەنت توقاەۆتىڭ ۆاشينگتونعا ساپارى قازاقستاننىڭ كٶپۆەكتورلى ديپلوماتيياسىنىڭ سيمۆولى عانا ەمەس, سونىمەن قاتار جاھاندىق جەتەكشٸ سەرٸكتەستەردٸڭ بٸرٸمەن ستراتەگييالىق ىنتىماقتاستىقتى نىعايتۋعا باعىتتالعان ناقتى قادام بولدى.
