ءدال قازىرگى تاڭدا ەگىستىك القاپتارىندا تىزىلگەن كومبايندار التىن استىقتى ىسىراپ قىلماي، جينالعان ءداندى قامباعا قۇيۋ ۇستىندە.
اۋدان ديقاندارى جىلداعىداي بيىل دا استىق ورۋ ناۋقانىنان زور ءۇمىت كۇتەدى. ارينە بۇعان مەملەكەتىمىزدىڭ شارۋاشىلىقتارعا جاساعان جەڭىلدىكتەرى دە سەبەپ بولۋدا. سونىمەن قاتار ولارعا ليزينگ نەگىزىندە تەحنيكا بەرىلگەن.
جانار-جاعارماي، قاجەتتى بولشەكتەرمەن، مينەرالدى تىڭايتقىشتارمەن قامتاماسىز ەتۋدە ماسەلەسى جىل سايىن جاقسارىپ كەلەدى.
ەگىن وراعىن العاشقىلاردىڭ ءبىرى بولىپ باستاعان داربازا اۋىلدىق وكرۋگىندەگى ديقاندار ءقازىر التىن ءداندى جيناپ الۋ ءۇشىن تىنباي ەڭبەكتەنۋدە. ەگىس القابىنداعى وراق ناۋقانىنا 50 كومباين مەن 100-گە جۋىق جۇك كولىگى قاتىسۋدا.
بيىل اۋدان بويىنشا بارلىعى 44،9 مىڭ گەكتار جەرگە ماساقتى داقىلدار ەگىلدى، ونىڭ ىشىندە بيداي – 33،4 مىڭ گەكتار، ارپا – 7 مىڭ گەكتار، جۇگەرى – 4،5 مىڭ گەكتار.
