قاراتاۋ كەنىشىندەگى ۋران وڭدەۋ كاسىپورنىن جاڭعىرتۋ كەزىندە 862 ملن تەڭگە جىمقىرۋ فاكتىسى بويىنشا تەرگەۋ اياقتالدى، - دەپ حابارلايدى Dalanews.kz.
سىبايلاس جەمقورلىققا قارسى قىزمەت "قاراتاۋ" ج ش س بۇرىنعى باسشىلىعىنا ("قازاتومونەركاسىپ" ۇاك اق ەنشىلەس ۇيىمى)، "Iri building" ج ش س مەردىگەرلىك ۇيىمىنىڭ ديرەكتورىنا، سونداي-اق اۆتورلىق جانە تەحنيكالىق قاداعالاۋ وكىلدەرىنە قاتىستى تەرگەۋدى اياقتادى.
مەردىگەر 2019-2021 جىلدارى تۇركىستان وبلىسى سوزاق اۋدانىنداعى قاراتاۋ كەنىشىندە ۋران وڭدەۋ كاسىپورنىن جاڭعىرتۋ جوباسىن ىسكە اسىرۋ شەڭبەرىندە قۇرىلىس-مونتاجداۋ جۇمىستارىنا بولىنگەن 862 ملن تەڭگەنى جىمقىردى دەگەن كۇدىككە ءىلىندى.
جىمقىرۋ اۆتورلىق، تەحنيكالىق قاداعالاۋ وكىلدەرىنىڭ قولداۋىمەن جانە "قاراتاۋ" ج ش س باسشىلىعى تاراپىنان نەمقۇرايلىلىق ناتيجەسىندە جاسالعان.
قىلمىستىق ءىس ءمانى بويىنشا قاراۋ ءۇشىن سوتقا جىبەرىلدى. "Iri building" ءجشس-نىڭ ناقتى يەسى ىزدەۋدە.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
