قۋاندىق بيشىمبايەۆتىڭ بۇرىنعى ايەلى نازىم قاحارمان ەكس-مينيسترمەن بىرگە تۇرعان جىلدار تۋرالى اشىپ ايتتى، - دەپ حابارلايدى Dalanews.kz.
ول بيشىمبايەۆپەن بىرگە تۇرعان 14 جىلىن ءبىراۋىز سوزبەن ايتىپ جەتكىزە المايتىنىن ايتتى.
«قولىندا گراناتاسى بار مايمىلمەن ءومىر سۇرگەندەي بولدىم. قاي كەزدە جارىلىپ كەتەتىنىن بىلمەيسىڭ. تاڭەرتەڭ ونىڭ سۇيىكتى جەيدەسىندەگى تۇيمەسىن تىگىپ بەرمەگەنىڭ ءۇشىن ءسوز ەستۋىڭ مۇمكىن. وسىنداي نارسەلەر ءۇشىن شۋ شىعارىپ، ايعايلاپ جىبەرۋى مۇمكىن ەدى. كەشكە جۇمىستان قانداي كوڭىل-كۇيمەن كەلەتىنىن بىلمەيسىڭ. كەلگەن كەزدە وعان ءبىر ءسات قاراپ تۇرىپ قالاسىڭ. كەيىن اجىراسقان كەزدە باقىت – وتە قاراپايىم نارسەلەر ەكەنىنە كوزىم جەتتى»، - دەيدى نازىم قاحارمان «ۋمنىە ليۋدي» ارناسىنا بەرگەن سۇحباتىندا.
نازىم قاحارماننىڭ سوزىنشە، ولار ءبىر شاڭىراق استىندا ءومىر سۇرگەن كەزدەردە بيشىمبايەۆ كوزىنە ءشوپ سالعان كەزدەر بولعان.
«ايەل باقىتىن سەزبەيتىنىمدى ءتۇسىندىم. دەمەك مەنىڭ تاعدىرىم وسى دەپ ويلادىم. وسىنداي كرەست قويدىم وزىمە. العاشقى سوت پروسەسىنەن كەيىن، ونى تۇرمەگە قاماپ تاستاعاننان كەيىن قيىن ساتتە تاستاپ كەتۋ دۇرىس ەمەس دەپ ويلادىم. ءيا، باقىتتا بولماعان شىعارمىن، ءبىراق ايەل ادام رەتىندە مىندەتىم بارىن ءتۇسىندىم. يزولياتور دا، سوت تا وتە قيىن كەز بولدى. بالالارىمدى بۇرىن دا، ءقازىر دە اكەسىنە قارسى قويعان ەمەسپىن»، - دەيدى نازىم.
ايتا كەتەيىك، نازىم قاحارمان قۋاندىق بيشىمبايەۆپەن 14 جىل نەكەدە بولعان. ولار 2020 جىلى اجىراسىپ كەتكەن. نازىم قاحارمان مەن قۋاندىق بيشىمبايەۆتىڭ ءۇش بالاسى بار.
بۇعان دەيىن قۋاندىق بيشىمبايەۆتىڭ بۇرىنعى ايەلى نازىم قاحارمان سوت وتىرىسىنا قاتىستى پىكىر بىلدىرگەن بولاتىن. سوت وتىرىستارىنىڭ بىرىندە بيشىمبايەۆ سالتانات پەن بالالارىن الىپ شەتەلگە دەمالۋعا شىعار كەزدە بولعان جايت تۋرالى ايتىپ بەرگەن بولاتىن. قۋاندىق بيشىمبايەۆتىڭ سوزىنشە، سالتانات شەتەلگە شىعار الدىنداعى تۇندە شەتەلدىك ءتولقۇجاتىن جوعالتىپ العان.
وسىعان بايلانىستى نازىم سالتاناتپەن نە جايلى سويلەسكەنىن كورسەتكەن. سالتانات بۇل جايتقا قاتىستى نازىمنان بىردەن كەشىرىم سۇراعان.
«ءتولقۇجاتىمدى جوعالتىپ العانىم ءۇشىن كەشىرىم سۇرايمىن، ۇيدە كوشىپ، اراسىندا سترەسكە ءتۇسىپ، ءبارى قاباتتاسىپ كەتتى. بالالاردىڭ ماعان كوزقاراسى جاقسى، ول ءسىزدىڭ ارقاڭىزدا. وتە مەيىرىمدى جانە تاربيەلى بالالار. بۇل ءسىزدىڭ ارقاڭىز دەپ بىلەمىن جانە سىزگە قۇرمەتپەن قارايمىن. ەگەر قارسى بولماساڭىز سىزبەن تانىسسام دەپ ەدىم. قارىم-قاتىناسىمىز جاقسى بولعانىن قالايمىن»، - دەپ جازعان سالتانات.
سونداي-اق نازىم قاحارمان «قۋاندىق بيشىمبايەۆ مانيپۋلياتور» دەگەن پىكىرمەن كەلىسكەن.
سونىمەن قاتار، الەۋمەتتىك جەلىدە قۋاندىق بيشىمبايەۆتىڭ بۇرىنعى ايەلى نازىم قاحارمان دا بۇگىنگى سوت وتىرىسىنا قاتىستى پىكىر ءبىلدىرىپ، تەك بايجانوۆقا ەمەس، وعان دا قىسىم جاسالىپ جاتقانىن جەتكىزدى.
"...ءتىپتى سوتتا دا بۇكىل ەلدىڭ كوزىنشە وعان (بايجانوۆقا - ەسك.) ابيۋزەرلىك قارىم-قاتىناس جاساپ جاتىر. تەك وعان ەمەس (ول سوتتالۋشىلار ورىندىعىندا بىرگە وتىر)، ماعان دا قىسىم كورسەتۋگە تىرىسىپ جاتىر. سونداي قورقىنىشتى. سوت باقىتجاندى ودان الىستاتادى دەپ ۇمىتتەنەمىن"، - دەپ جازدى نازىم.
