ەيەلٸن ٶلتٸردٸ دەگەن كٷدٸككە ٸلٸنگەن بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ەكەسٸ ۇيىمداستىرعان پياردىڭ ارقاسىندا جازادان قۇتىلىپ كەتۋٸ مٷمكٸن. بۇل تۋرالى بەلگٸلٸ ساياساتكەر مۇحتار تايجان مەلٸمدەدٸ, دەپ حابارلايدى Dalanews.kz.
ەسكە سالايىق, 2023 جىلى 9 قاراشادا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن ۇستالعان بولاتىن. اتالمىش وقيعا مەيرامحانادا ورىن الىپ, بەينەكامەرالارعا تٷسٸپ قالعان.
22 اقپاندا بيشٸمباەۆتىڭ ادۆوكاتتارى سۇحبات بەرٸپ, وندا كٸسٸ ٶلتٸرۋ بولماعانىن جەنە بيشٸمباەۆ ٶز كٸنەسٸن مويىندامايتىنىن جەتكٸزدٸ. بۇل مەلٸمدەمەلەر كٶپشٸلٸكتٸڭ نارازىلىعىن تۋدىردى.
ساياساتكەر ەرٸ كەسٸپكەر مۇحتار تايجان ادۆوكاتتارمەن بولعان سۇحبات قۋاندىق بيشٸمباەۆتىڭ اتىنا كٸر كەلتٸرمەۋگە باعىتتالعان ٷلكەن ناۋقاننىڭ بٸر بٶلٸگٸ دەپ ەسەپتەيدٸ. ال ونىڭ باستاماشىسى بەدەلدٸ دەپۋتات, اكادەميك, كٷدٸكتٸنٸڭ ەكەسٸ ۋەليحان بيشٸمباەۆ ەكەنٸنە سەنٸمدٸ.
"مەن كٸسٸ ٶلتٸرۋشٸلەردٸڭ ٶمٸرٸن ساقتاپ قالعان دەرٸگەرلەردٸ كٸنەلامايمىن. بۇل - ولاردىڭ كەسٸبٸ, مٸندەتٸ جەنە انتى. ولار كەز كەلگەن ادامدى ەمدەۋگە ەرٸ قۇتقارۋعا مٸندەتتٸ. سونىمەن قاتار كٸسٸ ٶلتٸرۋشٸلەردٸ قورعاپ جاتقان ادۆوكاتتارعا دا كٸنە ارتپايمىن. بۇل دا ولاردىڭ كەسٸبٸ, مٸندەتٸ, انتى. ولار ەربٸر ادامدى قورعاۋعا مٸندەتتٸ. الايدا بۇل ٸسكە بيشٸمباەۆتىڭ ەكەسٸ, اكادەميك, لاۋرەات, ەڭبەك سٸڭٸرگەن قايراتكەر, رەكتور جەنە نۇر-وتان پارتيياسىنىڭ دەپۋتاتى, نازارباەۆتىڭ دوسى ۋەليحان بيشٸمباەۆتى كٸنەلٸ دەپ سانايمىن. سەبەبٸ ول مەملەكەتتٸڭ قارجىسىن جىمقىرعان ۇرىنى تەربيەلەدٸ. بۇل سوتپەن دەلەلدەندٸ. نازارباەۆ ارقىلى ول ۇلىنا كەشٸرٸم بەرۋٸن سۇراعانىنا سەنٸمدٸمٸن. سوندىقتان ٸرٸ قىلمىسكەر بوستاندىققا شىعىپ, جازالانبايتىنىنا سەنٸمدٸ بولدى. بۇنىڭ ارتى ٷلكەن تراگەديياعا ەكەلدٸ. قازٸر كٸشٸ بيشٸمباەۆ ەيەلٸ سالتانات نٷكەنوۆانى ەرەكشە قاتىگەزدٸكپەن ٶلتٸردٸ دەگەن كٷدٸككە ٸلٸندٸ. ەندٸ مٸنە, ەكەسٸ باق ارقىلى ۇلىن اقتاپ شىعۋعا تىرىسىپ جاتىر. تٸپتٸ بالاسىنىڭ ەرەكەتٸنە بايلانىستى ٶكٸنەتٸنٸن جەتكٸزگەن سٶزٸ دە جوق. ەگەر سوت قۋاندىقتىڭ كٸنەسٸن دەلەلدەسە, ەكەسٸن دە بارلىق اتاعىنان ايىرۋدى تالاپ ەتۋٸمٸز قاجەت. ونىڭ تەربيەسٸ مەن ٸس-ەرەكەتٸ اقىر سوڭىندا جازىقسىز ادامنىڭ ٶلٸمٸنە ەكەلدٸ. ول ماراپات پەن قۇرمەتكە لايىق ەمەس. سٶگٸس پەن ۇياتقا لايىق دەپ ايتاتىن ەدٸم. بۇل باسقا دا ۇرپاق تەربيەلەپ وتىرعان اتا-انالارعا ٷلكەن ساباق بولادى", - دەپ جازدى تايجان.
