ازاماتتىق نەكەدەگٸ ەيەلٸ سالتانات نٷكەنوۆانى ٶلتٸردٸ دەگەن ايىپپەن ەكس-مينيستر قۋاندىق بيشٸمباەۆ سوتتالدى. بيشٸمباەۆتى قورعاعان ادۆوكاتتاردىڭ بٸرٸ ەرلان عازىمجانوۆ العاش رەت سوت ٷكٸمٸنە قاتىستى پٸكٸر بٸلدٸردٸ, - دەپ حابارلايدى Dalanews.kz.
"اپەللياتسيياعا بەرەمٸز, ٷكٸمگە شاعىمدانۋعا نيەتتٸمٸز. قورعاۋ تاراپىنىڭ پٸكٸرٸنشە, سۋديا ەلەۋلٸ پروتسەسسۋالدىق زاڭبۇزۋشىلىقتارعا جول بەردٸ", - دەدٸ ول Tengrinews.kz تٸلشٸسٸنە بەرگەن سۇحباتىندا.
عازىمجانوۆ بيشٸمباەۆقا تاعايىندالعان 24 جىلعا باس بوستاندىعىنان ايىرۋ جازاسى تۋرالى دا ايتتى.
"قورعاۋشى تاراپ بيشٸمباەۆتى قيناۋ بابى بويىنشا ايعاقتاردىڭ جوقتىعىنا بايلانىستى اقتاپ, ادام ٶلتٸرگەنٸ ٷشٸن ەمەس, ابايسىزدا ادام ٶلٸمٸنە ەكەپ سوقتىرعان اۋىر دەنە جاراقاتىن كەلتٸرگەنٸ ٷشٸن كٸنەلٸ دەپ تانۋ كەرەك ەدٸ دەپ ەسەپتەيدٸ.
بۇل باپ (قىلمىستىق كودەكستٸڭ 106-بابى, 3-بٶلٸگٸ) 8 جىلدان 12 جىلعا دەيٸن باس بوستاندىعىنان ايىرۋ جازاسىن قاراستىرادى. وسىلايشا, زاڭ بويىنشا بيشٸمباەۆ وسى شەكتە جازالانۋى كەرەك", - دەپ ەسەپتەيدٸ ادۆوكات.
ادۆوكات ٷكٸم جارييالانعاننان كەيٸن بيشٸمباەۆقا تەرگەۋ يزولياتورىنا بارعانىن ايتتى.
ەسكە سالايىق, بىلتىر قۋاندىق بيشٸمباەۆ ەيەلٸ سالتانات نٷكەنوۆانى ٶلتٸردٸ دەگەن كٷدٸكپەن قاماۋعا الىنعان ەدٸ. وقيعا 2023 جىلى 9 قاراشادا استانا قالاسىنداعى BAU مەيرامحاناسىندا بولدى.
بيشٸمباەۆقا ەكٸ باپ بويىنشا ايىپ تاعىلدى:
- اسا قاتىگەزدٸكپەن كٸسٸ ٶلتٸرۋ (15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋ);
- ازاپتاۋ (4 جىلدان 7 جىلعا دەيٸن باس بوستاندىعىن شەكتەۋ نەمەسە وسى مەرزٸمگە باس بوستاندىعىنان ايىرۋ).
